Өфөлә ремонтлау ҡаралған юлдарҙың яртыһы — ҡаланың төньяҡ өлөшөндә

ӨФӨ, 2017 йыл, 22 март. /«Башинформ» мәғлүмәт агентлығы, Ольга Мортазина/. Өфөлә ремонтлау ҡаралған юлдарҙың яртыһы — ҡаланың төньяҡ өлөшөндә. Өфө хакимиәтендә хәбәр итеүҙәренсә, 2017 йылда майҙаны 1,1 миллион квадрат метрҙан ашыу тәшкил иткән 29 участканы ремонтлау күҙаллана. Шуларҙың 56 проценты ҡаланың төньяҡ өлөшөнә тура килә — 620,7 мең квадрат метр. Улар — Сельская Богородская, Ферин, Георгий Мушников, Сосновская, Чехов, Сипайлово, Маршал Жуков, А. Невский, Трамвай, Беренсе Май, Вологодская, Интернациональ, М. Горький, Ульяновтар урамдары кеүек мөһим ҡала магистралдәре.

2018 йылда майҙаны 1,03 миллион квадрат метрлыҡ 43 участканы ремонтлау ҡаралған. Шуларҙың 48 проценты — 494,3 мең квадрат метры Өфөнөң төньяҡ райондарына тура килә.