Баш ҡалала бер аҙна эсендә соҡорҙарҙы ямау буйынса интерактив картаға 186 ғариза килгән

ӨФӨ, 2017 йыл, 9 март. /«Башинформ» мәғлүмәт агентлығы, Ольга Мортазина/. Өфөлә 2 марттан алып соҡорҙарҙы ямау буйынса интерактив картаға 186 ғариза килгән. Билдәләнгән 53 участкала ремонт эштәре башҡарылған да инде. Ҡала хакимиәтендә билдәләүҙәренсә, әлеге ресурс раҫланған график буйынса үткәрелгән планлы ремонтҡа өҫтәмә булды. Бынан тыш, ҡаланың һәр районында юлдарҙың проблемалы участкаларын асыҡлаған комиссиялар эшләй. Граждандар менән берлектә эшләү ремонт эштәрен һөҙөмтәлерәк башҡарырға мөмкинлек бирә, тип иҫәпләйҙәр хакимиәттә.