ӨФӨ, 2017 йыл, 17 февраль. /«Башинформ» мәғлүмәт агентлығы, Станислав Шахов/. «Өфө» халыҡ-ара аэропорты икенсе йыл рәттән илебеҙҙә иң яҡшыһы тип танылды. «Башинформ» агентлығы
хәбәр иткәнсә, «Өфө» халыҡ-ара аэропорты «Рәсәйҙең һауа ҡапҡалары» милли премияһында «Кольцово аэропорты», «Курумоч халыҡ-ара аэропорты» асыҡ акционерҙар йәмғиәте, «Толмачево аэропорты» асыҡ акционерҙар йәмғиәте кеүек авиапредприятиеларҙы уҙып китеп, «Иң яҡшы аэропорт-2016» номинацияһында еңеүсе булды. Премия NAIS ойоштороу комитеты һәм Федераль һауа транспорты агентлығы тарафынан булдырылған.