ӨФӨ, 2017 йыл, 15 февраль. /«Башинформ» мәғлүмәт агентлығы, Ольга Мортазина/. Башҡортостанда ҡырҡылған урмандар тулыһынса тиерлек тергеҙелә. 2016 йылда тотош ҡырҡылған майҙандарҙа урманды тергеҙеү 98 процент
тәшкил иткән (план буйынса 82 процент). Ошо хаҡта ведомствоның йомғаҡлау коллегияһында республиканың урман хужалығы министры Динир Әхмәтйәнов хәбәр итте. Ағас әҙерләү күләме 33 процент тәшкил иткән (план буйынса — 31). «Әлеге ваҡытта ҡуртымға алыусылар урман әҙерләү күләмен тулыһынса файҙаланмай. Ылыҫлы ағастарҙы киҫәләр, ә йомшаҡ япраҡлылар етерлек файҙаланылмай. Ҡуртымға алыусыларҙың төп бурысы — килеп тыуған хәлде төҙәтеү», — тип билдәләне министр.