Башҡортостан һәм Өфө яңылыҡтары
68.96
+0.2
74.96
+0.26
87.68
+1.56
-9 °C
Ҡар
Бөтә яңылыҡтар
Иҡтисад
15 Февраль 2017, 12:40

Күмертауҙа инвестиция проекттарында файҙаланылған ергә һалым бөтөрөлдө

асыҡ сығанаҡ
асыҡ сығанаҡ
ӨФӨ, 2017 йыл, 15 февраль. /«Башинформ» мәғлүмәт агентлығы, Ольга Мортазина/. Күмертауҙа инвестиция проекттарында файҙаланылған ергә һалым тулыһынса бөтөрөлдө. Был хаҡта ҡала хакимиәтендә хәбәр иттеләр. Социаль-иҡтисади яҡтан тиҙ үҫеүсе биләмә статусы ҡала Советы депутаттарына шундай ҡарар ҡабул итергә мөмкинлек бирҙе.
Ергә һалымды бөтөрөү ҡала округы биләмәһендә урынлашҡан ер участкаларына ҡағыла. Уларҙы 10 йыл дауамында инвестиция проекттарын ғәмәлгә ашырыу өсөн файҙаланыу күҙаллана, тағы ла биш йылға оҙайтырға мөмкин.
Күмертауҙа социаль-иҡтисади яҡтан тиҙ үҫеүсе биләмә резиденттары өсөн башҡа льготалар ҙа ҡаралған. Ойошмалар табышына һалым: тәүге биш йылда — 20 урынына 5 процент, киләһе биш йыллыҡ — 10 процент. Бюджеттан тыш фондтарға бүленгән сумма — 30 урынына 7,6 процент; мөлкәткә һалым — 2,2 урынына 0 процент.
Күмертауҙа инвестиция проекттарын бойомға ашырыу өсөн буш торған биналар һәм ер участкалары күп, «Воротынов» индустриаль паркы булдырыла, тип иҫкә төшөрҙөләр хакимиәттә. Ҡала округында ергә һалым участканың кадастр хаҡынан 0,3-1,5 процент тәшкил итә.
Читайте нас в