Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
1 Февраль 2017, 16:51

Быйыл төбәктә капиталь ремонт программаһы буйынса 1064 йортто төҙөкләндереү ҡарала

Андрей Старостин
Андрей Старостин
ӨФӨ, 2017 йыл, 1 февраль. /«Башинформ» мәғлүмәт агентлығы, Галина Бахшиева/. Быйыл Башҡортостанда капиталь ремонт программаһы буйынса 1064 йортто төҙөкләндереү ҡарала.
Йыл башынан республикала 18 күп фатирлы йорт ремонтланған. Ремонт эштәре 110 йортта алып барыла.
Капиталь ремонт милекселәр ай һайын индергән иғәнә иҫәбенә финанслана. Шуға күрә күп фатирлы йорттарҙағы дөйөм мөлкәтте капиталь ремонтлау программаһын тормошҡа ашырыу туранан-тура һәр милексенең намыҫлылығына бәйле, тип билдәләнеләр Төбәк операторының матбуғат хеҙмәтендә.
Башҡортостанда капиталь ремонтҡа иғәнә — Волга буйы федераль округында иң түбәндәрҙең береһе. Әлегә уның күләме үҙгәрмәгән һәм алты ҡатҡа тиклемге йорттар өсөн 5,20 һум, алты ҡаттан бейегерәк йорттар өсөн 5,80 һум тәшкил итә.
Төбәк операторҙары ассоциацияһы төбәк программалары ғәмәлдә булған осорҙа 45 субъектта минималь иғәнә күләменең артыуын асыҡлаған. Иң юғары күрһәткес — Тула өлкәһендә (34,67 процентҡа) һәм Саха (Яҡут) Республикаһында (32,20). Иң түбәне Һамар (3,75 процентҡа), Псков (3,80) өлкәләрендә, шулай уҡ Красноярск крайында (3,85) теркәлгән.
«Башинформ» агентлығы хәбәр иткәнсә, 2016 йылда 1202 күп фатирлы йортта 2,7 миллиард һумлыҡ капиталь ремонт яһалған. Йыллыҡ план 1063 йорт тәшкил иткән. Республикала 160 мең кеше йәшәү шарттарын яҡшыртҡан.
Читайте нас: