Ҡарабойҙай етештереү буйынса Башҡортостан – Рәсәйҙә икенсе урында

ӨФӨ, 2017 йыл, 1 февраль. /«Башинформ» мәғлүмәт агентлығы, Ольга Мортазина/. Башҡортостан ҡарабойҙай етештереү буйынса һигеҙенсе тапҡыр икенсе урында килә, тип хәбәр итә «Doc22» порталы. Уҙған миҙгелдә Рәсәй аграрийҙары 1,18 миллион тонна уңыш йыйған. Уларҙың яртыһынан күберәген Алтай етештергән – 625 мең тонна. Башҡортостан 84,6 мең тонна йыйған. Орлов өлкәһе – 82,6 мең. Ошо өс төбәк һигеҙенсе йыл рәттән алдынғы урындарҙа килә һәм Рәсәйҙең ҡарабойҙай уңышын 60-80 процентҡа тәьмин итә.