Республикала I кварталға торлаҡтың уртаса баҙар хаҡы раҫланды

ӨФӨ, 2017 йыл, 31 ғинуар. /«Башинформ» мәғлүмәт агентлығы, Галина Бахшиева/. Йәш ғаиләләргә социаль түләүҙәр күләмен иҫәпләү өсөн ошо йылдың I кварталына республиканың ҡала округтарында, ҡала биләмәләрендә һәм райондарында дөйөм торлаҡ майҙанының бер квадрат метрына яңы уртаса баҙар хаҡы раҫланды. Башҡортостандың Төҙөлөш һәм архитектура буйынса дәүләт комитеты тейешле бойороҡ сығарҙы.

Шул рәүешле, Өфөлә торлаҡтың квадрат метры 35 916 һумға баһаланған. Ағиҙелдә – 27 600, Күмертауҙа – 32 000, Межгорьела – 23 700, Нефтекамала – 35 000, Октябрьскийҙа – 35 750, Салауатта – 33 000, Сибайҙа – 31 100, Стәрлетамаҡта – 35 700, Баймаҡта – 28 000, Бәләбәйҙә – 30 000, Белоретта һәм Бөрөлә – 33 000, Благовещенда – 35 000, Дәүләкәндә – 29 250, Дүртөйлөлә – 31 150, Ишембайҙа – 30 500, Мәләүездә – 31 000, Туймазыла – 34 000, Учалыла – 33 500, Яңауылда – 30 000.