80.86
0
Башҡортостан һәм Өфө яңылыҡтары
92.14
0
63.92
+1.08
10+ °C
Болотло
Бөтә яңылыҡтар
Иҡтисад
31 Ғинуар 2017, 07:05
Башҡортостан 2017 йылда Ер һөрөү буйынса Рәсәй чемпионатын уҙғарыу өсөн бөтә талаптарға ла яуап бирә
«Росагролизинг» акционерҙар йәмғиәтенең матбуғат хеҙмәте
ӨФӨ, 2017 йыл, 31 ғинуар. /«Башинформ» мәғлүмәт агентлығы, Галина Бахшиева/. Башҡортостанда 25 июндән алып 1 июлгә ҡәҙәр Ер һөрөү буйынса асыҡ Рәсәй чемпионаты уҙа. Ойоштороусылар билдәләүҙәренсә, дөйөм логистика, ҡатнашыусыларҙы һәм ҡунаҡтарҙы ҡунаҡханаға урынлаштырыу мәсьәләләре буйынса Өфө районы бәйгенең бөтә техник талаптарына ла яуап бирә.
Рәсәй беренселеге бер төркөм һөнәри ярыштан тора, шул иҫәптән ҡайтарып һөрөү, «Трактор-шоу» — трактор менән идара итеү оҫталығы бәйгеһе.
Һөнәри ярыштарҙан тыш, чемпионатта бай эшлекле программа ҡаралған. Уның сиктәрендә конференциялар, форумдар, күргәҙмәләр, шулай уҡ республикала Баҫыу көнөн үткәреү күҙалланған. Бай эстәлекле мәҙәни программа Ер һөрөү буйынса Рәсәй чемпионатына йәмәғәтселектең иғтибарын йәлеп итер, тигән фекерҙә ойоштороусылар.
Рәсәй чемпионатының ойоштороусыһы, ғәҙәттәгесә – «Росагролизинг» компанияһы.
Тупраҡ эшкәртеү оҫталығы буйынса халыҡ-ара механизаторҙар бәйгеһе 60 йылдан ашыу уҙғарыла.
Уларҙың төп маҡсаты – механизатор һөнәренең абруйын күтәреү, ер эшкәртеү алымдарын камиллаштырыу, ауыл хужалығында заманса технологияларҙы үҫтереү һәм киң ҡулланыу.
Рәсәй чемпионаты тәү тапҡыр 2012 йылда Краснодар крайында уҙа. Быға ҡарамаҫтан, халыҡ-ара беренселекте ойоштороусылар Рәсәй һабансыларының йылдан-йыл яҡшы һөҙөмтәләр күрһәтеүен, әҙерлек кимәленең тиҙ үҫеүен билдәләй.
Был йылдарҙа Ер һөрөү буйынса Рәсәй чемпионатында Башҡортостандан Мәләүез районының «Һуҡайлы» ауыл хужалығы етештереү кооперативы механизаторы Илдар Ишәкәев сығыш яһай. Уның иң яҡшы һөҙөмтәһе – IV Рәсәй чемпионатындағы «Трактор-шоу» ярышында өсөнсө урын.
2016 йылда Илдар Ишәкәевҡа Рәсәй командаһы исеменән ер һөрөү буйынса донъя һәм Европа чемпионаттарында ҡатнашыу хоҡуғы бирелә. Бүләкле урын яуламаһа ла, үҙе өсөн баһалап бөткөһөҙ ҡиммәтле тәжрибә алды, тип билдәләнеләр республика Ауыл хужалығы министрлығының матбуғат хеҙмәтендә.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».