Башҡортостан һәм Өфө яңылыҡтары
92.75
0
100.44
0
81.68
-1.99
-24 °C
Болотло
Бөтә яңылыҡтар
Иҡтисад
27 Ғинуар 2017, 08:28

Башҡортостан Белоруссия менән хеҙмәттәшлекте әүҙемләштерергә ниәтләй

ӨФӨ, 2017 йыл, 27 ғинуар. /«Башинформ» мәғлүмәт агентлығы, Галина Бахшиева/. Башҡортостандың иҡтисади үҫеш министры Сергей Новиков Рәсәй Федерацияһының Өфө ҡалаһындағы Беларусь Республикаһы илселеге бүлексәһенең яңы билдәләнгән советнигы, етәксеһе Петр Балтрукович менән осрашты.
Башҡортостан һәм Белорусь Республикаһы араһында хеҙмәттәшлекте әүҙемләштереү һорауҙары фекер алышыуҙың төп темаһы булды. Атап әйткәндә, ике хөкүмәт араһында сауҙа-иҡтисади, ғилми-техник һәм мәҙәни хеҙмәттәшлек тураһында килешеүгә ҡул ҡуйыу хаҡында һүҙ барҙы. Яҡтар республикалар араһында тауар әйләнешен арттырыу, берләштерелгән инновация проекттарын әҙерләү, уртаҡ предприятиелар төҙөү буйынса берлектәге эшкә әҙер булыуҙарын белдерҙе.
Башҡортостандың инвестиция проекттары, шулай уҡ йылдам социаль-иҡтисади үҫешеүсе ҡалалары – Бәләбәй һәм Күмертау биләмәләрендә производстволар урынлаштырыуҙа предприятиелар өсөн шарттар һәм ташламалар буйынса мәғлүмәт материалдары илселек бүлексәһенә йүнәлтеләсәк.
Автор:Галина Бахшиева
Читайте нас в