Башҡортостанда сәнәғәт етештереү индексы план күрһәткесенән уҙған

ӨФӨ, 2017 йыл, 25 ғинуар. /«Башинформ» мәғлүмәт агентлығы, Ольга Мортазина/. Республикала сәнәғәт етештереү индексы план күрһәткесенән уҙған, тип хәбәр иттеләр Башҡортостан Хөкүмәтендә. Башҡортостанстат мәғлүмәттәренә ярашлы, 2016 йыл йомғаҡтары буйынса 102,1 процент планында индекс 102,6 процент тәшкил иткән. Уртаса Рәсәй кимәле – 101,1 процент. Тармаҡтар яғынан ҡарағанда, иң ҙур үҫеш ағас эшкәртеүҙә теркәлгән – 2015 йылғы кимәлгә 136,9 процент, металлургия производствоһында – 124,9, резина һәм пластмасса әйберҙәр эшләүҙә – 113,7 процент.