Баш ҡалала икенсе сыр йәрминкәһен үткәреү ҡаралған

ӨФӨ, 2017 йыл, 16 ғинуар. /«Башинформ» мәғлүмәт агентлығы, Ольга Мортазина/. Шәмбе, 21 ғинуарҙа, Өфөнөң Сипайлово биҫтәһендәге «ОКей» гипермаркетында икенсе сыр йәрминкәһе үтә. Тәүгеһе 24 декабрҙә «Сипайлово» сауҙа-сервис комплексында ойошторолғайны. Был юлы йәрминкәлә урындағы сыр яһаусыларҙын тыш, «Башҡортостан аҙыҡ-түлеге» брендына эйә булғандар ҙа ҡатнаша, тип хәбәр иттеләр Башҡортостандың Сауҙа һәм ҡулланыусылар хоҡуғын яҡлау буйынса дәүләт комитетында. Етештереүселәр арзан хаҡтар вәғәҙәләй. Сараны үткәреү ваҡыты: иртәнге сәғәт 11-ҙән киске 7-гә тиклем.