Яңы йылдан автомобилдәр «ЭРА-ГЛОНАСС» системаһы менән йыһазландырылырға тейеш

ӨФӨ, 2017 йыл, 9 ғинуар. /«Башинформ» мәғлүмәт агентлығы, Ольга Мортазина/. 2017 йылдың 1 ғинуарынан алып автомобилдәр «ЭРА-ГЛОНАСС» (авария булғанда ашығыс хәбәр итеү) системаһы менән йыһазландырылырға тейеш. Система хеҙмәттәрҙең оператив хәл итеүе маҡсатында ҡуйыла. «ГЛОНАСС» бәйләнеш-үҙәгенә юл-транспорт ваҡиғаһы тураһында мәғлүмәт 10 секунд эсендә килә. Автомобиль етештереүсе «ЭРА-ГЛОНАСС» системаһын ҡуймайынса «ОТТС» хуплауын алмаясаҡ. Сертификацияны үтеү өсөн завод краш-тест үткәрергә тейеш. Продукцияның ярашлы ҡиммәтләнеүен ҡулланыусыларға түләргә тура киләсәк.

Хәҙер борт ҡорамалдары – тахограф һәм «ГЛОНАСС» терминалдары менән йөк ташыусы машиналар һәм пассажир автобустары йыһазландырыла. Бынан тыш, ҙур йөклө транспортта федераль юлдар буйынса йөрөгән өсөн хаҡ алыусы «Платон» система ҡоролмаһы булырға тейеш. Белгестәр бөтә автомобиль транспорттары өсөн берҙәм телематик сервис кәрәклеге хаҡында үҙ фекерен белдерҙе.