93.29
+0.04
Башҡортостан һәм Өфө яңылыҡтары
99.56
+0.2
88.14
-0.32
18+ °C
Болотло
Бөтә яңылыҡтар
Иҡтисад
30 Ноябрь 2016, 11:53
Башҡортостан күмәртә-логистика базаларын төҙөү буйынса пилот төбәктәренең береһе буласаҡ
Олег Яровиков
ӨФӨ, 2016 йыл, 30 ноябрь. /«Башинформ» мәғлүмәт агентлығы, Александр Смирнов/. Ҡулланыусылар кооперацияһын үҫтереү программаһы сиктәрендә Башҡортостан күмәртә-логистика базаларын төҙөү буйынса пилот төбәктәренең береһе буласаҡ. Был хаҡта Дөйөм Рәсәй халыҡ фронтының төбәк штабы вәкилдәре менән осрашыуҙа республика Башлығы Рөстәм Хәмитов хәбәр итте.
Дөйөм Рәсәй халыҡ фронтының төбәк штабы рәйестәше, Башҡортостандың Сауҙа-сәнәғәт палатаһы президенты Азат Фазлыев шәхси ярҙамсы хужалыҡтарға һәм уларҙың продукцияһын һатыуҙа ярҙам итеү мәсьәләһен күтәрҙе. Бының өсөн ҡулланыусылар кооперацияһын әүҙемерәк үҫтерергә кәрәк.
Ошо тема Рәсәй Ҡулланыусылар йәмғиәттәренең үҙәк союзы советы рәйесе Дмитрий Зубов менән осрашыуҙа тикшерелде, тип хәбәр итте төбәк етәксеһе. Әлеге ваҡытта Үҙәк союз шәхси ярҙамсы хужалыҡтар менән үҙ-ара эш итеүҙе үҫтереү буйынса программа әҙерләгән. Бынан тыш, хеҙмәттәшлек тураһында ҡул ҡуйылған килешеү сиктәрендә муниципалитеттарҙа ҙур булмаған йәшелсә һаҡлағыстар төҙөү ҡаралған.
– Рөстәм Зәки улы уҙған аҙнала был теманы Үҙәк союз етәкселеге менән тикшереүҙәре хаҡында һөйләне. Тиҙҙән республика бер нисә күмәртә-логистика базаларын төҙөү күҙалланған пилот төбәктәр иҫәбенә индереләсәк, – тип һөйләне журналистарға Азат Фазлыев. – Улар фермерҙарҙың һәм шәхси ярҙамсы хужалыҡтарҙың продукцияһын һатыу үҙәге була ала.
Шулай уҡ республикала ҡулланыусылар кооперацияһын үҫтереүҙе контролдә тотоу маҡсатында «Башпотребсоюз»дың күҙәтеү советына Башҡортостан Хөкүмәте вәкилен индереү планлаштырыла.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».