Башҡортостан һәм Өфө яңылыҡтары
76.87
+0.54
87.13
+0.11
87.79
-0.65
-10 °C
Ҡар
Бөтә яңылыҡтар
Иҡтисад
22 Ноябрь 2016, 16:41

Рәсәй Хөкүмәте Башҡортостан өсөн коммуналь хеҙмәттәргә яңы тарифтарҙы раҫланы

Олег Яровиков
ӨФӨ, 2016 йыл, 22 ноябрь. /«Башинформ» мәғлүмәт агентлығы, Ғәлиә Нәбиева/. Башҡортостанда коммуналь хеҙмәттәр өсөн түләүҙең үҙгәреү индексы 5,8 процент тип билдәләнгән. Рәсәй Хөкүмәте 2017 йылдың 1 июленән коммуналь хеҙмәттәргә тарифтарҙың артыуын раҫланы. Бойороҡ рәсми хоҡуҡи мәғлүмәт интернет-порталында баҫылған. Тимәк, түләүҙәр дәүләт билдәләгән кимәлдән артырға тейеш түгел.
Дөйөм алғанда, илдә торлаҡ-коммуналь хужалыҡ өсөн түләүҙәр ете процентҡа арта. Иң ҙур хаҡ Мәскәүҙә көтөлә. Алыҫ Көнсығыш, Яҡутстан һәм Камчатка крайында йәшәүселәр өсөн тарифтар алты процентҡа күтәрелә.
Иң түбән индекс — Сахалинда һәм Чукоткала. Унда коммуналь хеҙмәттәргә тарифтар 3,4 процентҡа арта.