Башҡортостан һәм Өфө яңылыҡтары
77.36
+0.67
87.59
+0.69
86.68
+0.41
-18 °C
Болотло
Бөтә яңылыҡтар
Иҡтисад
21 Октябрь 2016, 15:27

Башҡортостан Екатеринбургта үҙ продукцияһының ассортиментын киңәйтә

Олег Яровиков
ӨФӨ, 2016 йыл, 21 октябрь. /«Башинформ» мәғлүмәт агентлығы, Арина Рәхимҡолова/. Башҡортостандың аҙыҡ-түлек етештереүселәре Свердловск өлкәһенә оҙатылған ассортиментты киңәйтә. Ошо көндәрҙә республиканың Урал федераль округындағы даими вәкиле Амур Хәбибуллин эш сәфәре менән Екатеринбург ҡалаһында булды. Ҡала хакимиәтендә урындағы сауҙа селтәрҙәре вәкилдәре һәм Башҡортостан тауар етештереүселәре менән осрашыу үтте.
Екатеринбургтың аҙыҡ-түлек баҙарындағы хәлде тикшереү кәңәшмәнең төп темаһы булды. Башҡортостан етештереүселәре үҙ продукцияһы менән таныштырҙы. Осрашыуға килеүселәргә башҡорт балын, ит-һөт продукцияһын тәмләп ҡарарға тәҡдим ителде. Ҡатнашыусылар республика тауарҙарын Екатеринбургтың сауҙа селтәрҙәренә тапшырыу мөмкинлеген ҡараны.
Осрашыу йомғаҡтары буйынса ҡатнашыусылар, иң мөһиме — Башҡортостандың сифатлы, экологик яҡтан таҙа продукттарын нигеҙле хаҡтар буйынса Свердловск өлкәһенең сауҙа предприятиеларында һәм селтәрҙәрендә һатыу өсөн шарттар булдырыу, тигән фекергә килде.