Республикала ОСАГО полистарына сират кәмегән

Арина Рәхимҡолова

ӨФӨ, 2016 йыл, 17 октябрь. /«Башинформ» мәғлүмәт агентлығы, Галина Бахшиева/. Башҡортостан Хөкүмәтендә республикала ОСАГО полистарын һатыу буйынса «берҙәм агент» системаһының эшенә йомғаҡ яһалды.

Бөгөн Башҡортостан Хөкүмәте Премьер-министры Рөстәм Мәрҙәнов етәкселегендә уҙған оператив кәңәшмәлә хәбәр итеүҙәренсә, 1 сентябрҙән 11 октябргә тиклем төбәктә «берҙәм агент» системаһы аша 4,2 меңдән ашыу ОСАГО килешеүе төҙөлгән. Шуның менән бергә сентябрь-октябрь айҙарында Күмертау ҡалаһында меңгә яҡын ОСАГО полистары һатылған.

Әле муниципалитеттарҙа ОСАГО полистары менән бәйле хәлгә мониторинг үткәрелә. Башҡортостан ҡала һәм райондарында сираттың яйлап кәмеүе күҙәтелә.

Башҡортостан Хөкүмәтендә үткән ултырышта билдәләүҙәренсә, халыҡ «берҙәм агент» системаһына аңлау менән ҡарай.

Сентябрҙә Башҡортостандың Милли банкына килгән ялыуҙар һаны август айындағы ошондай уҡ күрһәткестәрҙән ике тапҡырға кәмерәк.

Төбәктә ОСАГО килешеүҙәрен төҙөгәндә өҫтәмә хеҙмәттәр тәҡдим итеү һәм аварияһыҙ йөрөү коэффициентын тупаҫ ҡулланыу буйынса ялыуҙар һаны кәмегән, тип хәбәр иттеләр Башҡортостан Хөкүмәтенең матбуғат хеҙмәтендә.

Бынан алда Башҡортостан Хөкүмәте Рәсәй автостраховкалаусылар союзына республиканы ОСАГО полистарын һатыу буйынса «берҙәм агент» системаһына индереүҙе һорап мөрәжәғәт иткәйне. Рәсәй автостраховкалаусылар союзы президиумы тейешле ҡарар ҡабул итте һәм 30 августан төбәктә «берҙәм агент» системаһы эшләй башланы.

#осаго полисы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.