Өфөлә яңы төҙөлгән йорттарға хаҡтарҙың төшөүе теркәлгән

Олег Яровиков

IMPORT Сервисный

ӨФӨ, 2016 йыл, 4 октябрь. /«Башинформ» мәғлүмәт агентлығы, Ольга Мортазина/. «Фатирҙар донъяһы» ресурсы мәғлүмәттәре буйынса, өсөнсө кварталда Өфөлә яңы төҙөлгән йорттарға хаҡтарҙың төшөүе теркәлгән. Беренсел баҙарҙа бер квадрат метрҙың уртаса хаҡы 11 процентҡа төшкән һәм 56,5 мең һум тәшкил иткән. Фатирҙың уртаса хаҡы дүрт процентҡа тиерлек кәмегән һәм 3,7 миллион һум тәшкил иткән.

Быйыл ғинуар айында беренсел торлаҡҡа хаҡтарҙың төшөүе биш процент сиктәрендә теркәлгән. Ул саҡта эксперттар төҙөүселәрҙең артабан да кәметеү өсөн резервтары юҡ тип иҫәпләй ине. Ысынлап та, йыл башынан үҫеш һиҙелә: дөйөм алғанда, һәр квадрат метр өсөн плюс 1,8 процент һәм уртаса фатир өсөн плюс 2,2 процент.

Уҙған кварталда Мәскәүҙә яңы төҙөлгән йорттарға хаҡ 11 процентҡа тиерлек төштө: хәҙер бер квадрат метр өсөн 227,6 мең һәм уртаса фатир өсөн 18,9 миллион һум кәрәк. Икенсе урында — Санкт-Петербург: бер квадрат метр өсөн 108,2 мең һәм уртаса фатир өсөн 7 миллион һум. Ғәҙәттәгесә, иң арзан ҡала — Магнитогорск, унда фатирҙың хаҡы уртаса 15, йыл башынан 23 процентҡа артҡан (бер квадрат метр өсөн 30,5 мең һәм фатир өсөн 1,5 миллион һум).

«Төбәктәрҙә хаҡтарҙы тикшереү күсемһеҙ милек баҙарында төрлө йүнәлештәге хәрәкәтте күрһәтте. Ҡайһы бер ҡалаларҙа торлаҡҡа хаҡ арта, икенселәрендә төшә. Мәҫәлән, Сочиҙа, Калининградта, Архангельскиҙа, Мәскәү янында ҡиммәтләнә, шул уҡ ваҡытта Ырымбурҙа, Түбәнге Тагилда, Липецкиҙа, Новокузнецкиҙа арзаная», — тип йомғаҡ яһаны аналитиктар.

#күсемһеҙ милек #яңы төҙөлгән йорттар #рейтингтар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.