Башҡортостан продукцияһы абруйлы умартасылар конгресында Гран-при яуланы

Башҡортостан апитерапия һәм умартасылыҡ буйынса ғилми-тикшеренеү үҙәге

IMPORT Сервисный

ӨФӨ, 2016 йыл, 20 сентябрь. /«Башинформ» мәғлүмәт агентлығы, Галина Бахшиева/. Башҡортостан вәкилдәре Ҡаҙағстанда «Апиславия» XXI Умартасылар ойошмалары федерацияһы конгресында лайыҡлы сығыш яһаны.

Республика командаһы иҫәбендә конгресс күргәҙмәһенең Гран-прийы, балдан яһалған «Тадж-Махал мәсете» өсөн «Балауыҙҙан яһалған әйберҙәр» номинацияһында — алтын, йүкәнән йыйылған бал өсөн «Кәрәҙле бал» һәм «Бер төрлө сәскә балы» номинацияларында көмөш миҙалдар бар.

«Төргәк дизайны» номинацияһында Башҡортостан бронза миҙал яуланы. Бынан тыш, төбәк «Апиславия-2016» конгресының махсус призына — кәрәҙҙәге бал ҡорто рәүешендә эшләнгән сувенир сәғәтенә лайыҡ булды.

Башҡортостан Ауыл хужалығы министрлығының матбуғат хеҙмәтендә хәбәр итеүҙәренсә, республика 29 ил араһында Рәсәй намыҫын яҡланы. Беҙҙең илдән Башҡортостан предприятиелары ғына ҡатнашты. Улар иҫәбендә Башҡортостан апитерапия һәм умартасылыҡ буйынса ғилми-тикшеренеү үҙәге, шулай уҡ республиканың фермер хужалыҡтары бар.

Күргәҙмә-йәрминкәлә 100-ҙән ашыу төр продукция тәҡдим ителде. «Тадж-Махал мәсете» һәр кемдең иғтибарын йәлеп итте. Уны әҙерләү өсөн 25 килограмм бал кәрәк булды.

«Апиславия»-2016 халыҡ-ара конгресында яуланған уңыш 2021 йылда Өфөлә «Апимондия» халыҡ-ара форумын һәм «АпиЭКСПО» халыҡ-ара күргәҙмәһен уҙғарыуға дәғүә иткән Башҡортостан өсөн айырыуса мөһим. Умартасылыҡ өлкәһендәге ике ҙур сараны үткәреү урыны киләһе йылда билдәле буласаҡ.

#конгресс #умартасылыҡ #апиславия

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.