Воскресенье, 17 Мая 2026

Уфа

+14 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

06:27 (UTC+5), 19 Августа 2016

Рөстәм Хәмитов ураҡ эштәре барышы һәм ужым культураларын сәсеүҙе ойоштороу тураһында кәңәшмә үткәрҙе

Олег Яровиков

IMPORT Сервисный

ӨФӨ, 2016 йыл, 19 август. /«Башинформ» мәғлүмәт агентлығы, Олег Яровиков/. 18 августа Ауырғазы районының «Уңыш» ауыл хужалығы етештереү кооперативында Башҡортостан Башлығы Рөстәм Хәмитов ураҡ эштәре барышы һәм ужым культураларын сәсеүҙе ойоштороу тураһында кәңәшмә үткәрҙе.

Ғинуар-июнь айҙарында ауыл хужалығы продукцияһының күләме яҡынса 60 миллиард һум, йәки уҙған йылдың беренсе ярты йыллығына ҡарата 105,5 процент тәшкил иткән, тине төбәк етәксеһе. Продукцияны һатыу күләме лә арта. Мәҫәлән, 2015 йылдың ошо уҡ осоро менән сағыштырғанда, тәүге ярты йыллыҡта ашлыҡ 77 процентҡа, йәшелсә – 12,1, ит – 13, һөт – 4, йомортҡа 42 процентҡа күберәк һатылған.

Баҫыуҙарҙа уңыш яҡшы, урып йыйыу эштәре лә йылдам бара, тип билдәләне Рөстәм Хәмитов. Саҡмағош, Илеш, Нуриман һәм башҡа райондар – лидерҙар рәтендә.

– Бөгөн майҙандарҙың 63 процентында уңыш йыйып алынған. Ил буйынса уңыш күрһәткесе – 48, Волга буйы федераль округында – 59 процент. Һуңғы ун йылда тәүге тапҡыр урып йыйыу эштәре темпының юғары булыуын күҙәтәбеҙ. Быға һауа торошо ла булышлыҡ итә, – тине республика Башлығы. – Бөгөнгә 2,2 миллион тоннанан ашыу ашлыҡ һуғылған. Кәм тигәндә тағы ла 1 миллион тонна алырбыҙ тип көтәбеҙ. Был 2016 йылғы уңыш кампанияһы йомғаҡтары буйынса һәйбәт һөҙөмтә буласаҡ.

Республика буйынса уртаса уңыш – гектарҙан 19,6 центнер. Башҡортостан Башлығы әйтеүенсә, округта был күрһәткес – гектарҙан 23 центнер. Төбәктең тәбиғәт шарттары гектарҙан 25-30 центнер уңыш алырға ла мөмкинлек бирә, шуға күрә киләсәктә уңышты арттырырға кәрәк.

Элеваторҙар уңышты ҡабул итергә ҙәер. Әле 215 мең тонна ашлыҡ килтерелгән, был тулайым йыйымдың 10 процент самаһын тәшкил итә.

Башҡортостан гидрометеорология һәм тирә-яҡ мөхит мониторингы идаралығының бүлек етәксеһе Татьяна Власова алдағы көндәргә һауа торошо хаҡында һөйләне. Игендең уңышына ҡоролоҡ, ҡоро ел дә йоғонто яһай, тип билдәләне ул. Уның әйтеүенсә, юғары һауа температураһы 25 авгусҡа тиклем һаҡлана. Һуңынан яуым-төшөм көтөлә. Сентябрь айында ла уртаса температура норманан юғары – 13-14 градус һәм яуым-төшөм аҙ буласаҡ.

Төбәк Башлығы Рәсәй Ауыл хужалығы академияһының Шишмә селекция үҙәге директоры Әнүәр Шакирйәновтан аграрийҙарға селекция эше буйынса кәңәштәр биреүен һораны. Белгес фекеренсә, күпселек хужалыҡтарға ужым культураларының районлаштырылған сорттарына иғтибар итергә кәрәк. Улар гектарҙан 20-25 центнер уңыш бирә. Тритикаленең уңышы гектарҙан 77 центнер, ҡайһы бер хужалыҡтарҙа 100 центнер тәшкил итә.

Кәңәшмәлә шулай уҡ уңышты арттырыу һәм баҙарҙағы хаҡтар торошо мәсьәләләре тикшерелде. Рәсәй Ауыл хужалығы министрлығы мәғлүмәттәре буйынса, иген интервенциялары 19 августа башлана.

1 из 7

#ауыл хужалығы #уңыш йыйыу кампанияһы #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.