Төбәктә нисә эшҡыуарҙың «һалым каникулдары» менән файҙалана аласағы иҫәпләп сығарылды

Олег Яровиков

IMPORT Сервисный

ӨФӨ, 2016 йыл, 12 август. /«Башинформ» мәғлүмәт агентлығы, Ольга Мортазина/. Башҡортостанда нисә эшҡыуарҙың «һалым каникулдары» менән файҙалана аласағы иҫәпләп сығарылды. Бәләкәй бизнесҡа һалымдың нуль ставкаһына мөмкинлек биргән республика законы бер йыл эшләй. Башҡортостан буйынса Федераль һалым хеҙмәте идаралығында билдәләүҙәренсә, сәнәғәт һәм көнкүреш хеҙмәтләндереүе тармағында тәүгә теркәлгән шәхси эшҡыуарҙарға ике йыллыҡ каникулдар ҡаралған. Льгота патент (аванс) йәки ябайлаштырылған системаны ҡулланған бәләкәй предприятиеларға бирелә.

Ведомство мәғлүмәттәре буйынса, 13 айҙа республикала 15 меңгә яҡын эшҡыуар тәүге тапҡыр теркәлгән. Шуларҙан 470 предприятие патент буйынса нуль ставкаһын алған. Дөйөм алғанда, улар 8 миллион һумды экономиялаған.

«Парикмахерҙарға һәм косметологтарға — 245, репетиторҙарға — 51, тегеү оҫталарына — 38, фитнес-тренерҙарға 24 патент бирелгән. Уларҙың яртыһы тиерлек Өфөлә һәм Стәрлетамаҡта теркәлгән», — тип хәбәр иттеләр Башҡортостан буйынса Федераль һалым хеҙмәте идаралығында.

Әлеге мәлдә ябайлаштырылған системаны ҡулланған 688 шәхси эшҡыуар тураһында һүҙ йөрөтөргә мөмкин. Улар — ауыл хужалығында, мәғлүмәт технологиялары, мәҙәниәт һәм спорт өлкәһендә эшләгән фирмалар, бөҙрәханалар һәм матурлыҡ салондары, event-агентлыҡтар (ял һәм күңел асыу). Һалымдарҙың ябайлаштырылған системаһы буйынса льготаға эйә булыусыларҙың аныҡ һаны 2017 йылдың 30 апреленән һуң билдәле буласаҡ. Ошо ваҡытҡа һалым түләүселәр килемдәре тураһында отчет бирергә тейеш.

#һалымдар #льготалар #бәләкәй бизнес

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.