ӨФӨ, 2016 йыл, 29 апрель. /«Башинформ» мәғлүмәт агентлығы, Галина Бахшиева/. Һуңғы тәүлектә «Change.org» сайтында 1500-ҙән ашыу кеше 2000 һумлыҡ аҡсала Өфөнөң иҫтәлекле урындарын төшөрөү тәҡдимен
хупланы. Әлеге мәлгә бөтәһе 1850 кеше тауыш биргән, күбеһенсә Өфө, Ишембай, Сибай, Дүртөйлө, Мәләүез, Учалы, Нефтекама, Стәрлетамаҡ ҡалаларынан, Әбйәлил, Баймаҡ, Шаран райондарынан. Бынан тыш, Силәбе, Екатеринбург, Мәскәү, Санкт-Петербург, Ханты-Манси автономиялы округында йәшәүселәр ҙә ҡул ҡуйған.