Төбәктә иҡтисадтың бюджеттан тыш секторы өсөн минималь хеҙмәт хаҡы 8900 һум тәшкил итәсәк

IMPORT Сервисный

ӨФӨ, 2016 йыл, 13 апрель. /«Башинформ» мәғлүмәт агентлығы, Галина Бахшиева/. Башҡортостанда ағымдағы йылдың 1 майынан иҡтисадтың бюджеттан тыш секторы өсөн минималь хеҙмәт хаҡын 8900 һум күләмендә билдәләү тураһында ҡарар ҡабул ителде. Федераль кимәлдә ҡабул ителгән ҡарарға ярашлы, 2016 йылдың 1 июленән бюджет секторы өсөн эш хаҡы буйынса минималь планка 7500 һум күләмендә билдәләнгән. Был хаҡта бөгөн Башҡортостан Хөкүмәтендә республиканың социаль-хеҙмәт мөнәсәбәттәрен көйләү буйынса өс яҡлы комиссияһы ултырышында хәбәр иттеләр.

Әлеге ваҡытта иҡтисадтың бюджеттан тыш секторы өсөн минималь хеҙмәт хаҡы — 6900, бюджет өсөн алты мең һум тәшкил итә.

Башҡортостандың Профсоюздар федерацияһы ошо йылдың 1 июненән төбәктә иҡтисадтың бюджеттан тыш секторы өсөн минималь эш хаҡын 8900 һум кимәлендә билдәләү тәҡдиме менән сығыш яһаны. Республика профсоюздары рәйесе урынбаҫары Валерий Апокин әйтеүенсә, бындай ҡарар «республикала эшләүселәрҙең хеҙмәт хаҡын күтәрергә, күләгәле эш хаҡын рәсмиләштерергә, шулай уҡ бюджетҡа физик берәмектәрҙең килеменә һалым керемен арттырырға мөмкинлек бирәсәк».

Башҡортостан Хөкүмәте һәм эш биреүселәр республика Профсоюздар федерацияһының тәҡдимен хупланы. Өҫтәүенә республика хөкүмәте иҡтисадтың бюджеттан тыш секторы өсөн минималь хеҙмәт хаҡы күләмен 2016 йылдың 1 майынан билдәләргә тәҡдим итте.

«Тейешле документҡа киләһе аҙнала ҡул ҡуйыу күҙаллана», — тип хәбәр итте Республиканың социаль-хеҙмәт мөнәсәбәттәрен көйләү буйынса өс яҡлы комиссияһы координаторы, Башҡортостан Хөкүмәте Премьер-министры урынбаҫары Салауат Сәғитов.

Башҡортостандың хеҙмәт һәм халыҡты социаль яҡлау министры Ленара Иванова хәбәр итеүенсә, республика Финанс министрлығында бюджет өлкәһенең түбән эш хаҡы түләнгән хеҙмәткәрҙәренең эш хаҡын 7500 һумға тиклем еткереү буйынса яҡынса иҫәпләүҙәр башҡарылған.

1 из 5

#башҡортостан хөкүмәте #хеҙмәт хаҡы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.