Төбәк фермерҙарына дәүләт ярҙамы 2015 йылғы кимәлдә һаҡланасаҡ

Олег Яровиков

IMPORT Сервисный

ӨФӨ, 2016 йыл, 25 февраль. /«Башинформ» мәғлүмәт агентлығы, Галина Бахшиева/. Быйыл «Яңы эш башлаусы фермер» һәм «Ғаилә малсылыҡ фермаларына ярҙам» маҡсатлы программаларында ҡатнашыусылар өсөн дәүләт ярҙамы 2015 йылғы кимәлдә һаҡланасаҡ. Ауыл хужалығы министры Николай Коваленко Башҡортостандың ауыл хужалығы тауарҙарын етештереүселәр союзы йыйылышында ошо хаҡта хәбәр итте.

Уның һүҙҙәренсә, былтыр 2018 йылға тиклем иҫәпләнгән ошо ике маҡсатлы программалар буйынса бүленгән гранттар күләме республикала 360 миллион һумдан ашҡан. 129 йәш фермер һәм 68 ғаилә малсылыҡ фермалары грант ярҙамы алған.

Йыйылышта билдәләнеүенсә, республиканың фермер хужалыҡтары бөтә тышҡы факторҙарға ҡарата һығылмалылыҡ күрһәткән. Һуңғы өс-дүрт йылда тап улар ҙур ыңғай динамика бирә. Өҫтәүенә һуңғы биш йылда фермер секторында етештереү үҫеше темпы тармаҡҡа ҡарағанда өс тапҡырға тиерлек юғары.

Уҙған йыл йомғаҡтары буйынса Башҡортостандың агросәнәғәт комплексында 152 миллиард һумдан ашыу тулайым продукция етештерелгән, был 2014 йылға ҡарағанда 18 процентҡа күберәк. Шуларҙың 10 процентҡа яҡыны, йәғни 14 миллиард һумдан ашыуы — фермерҙарҙың өлөшө.

— Яңы эш башлаусы фермерҙарҙың 70 проценттан ашыуы, грант алғас, шәхси ярҙамсы хужалыҡ нигеҙендә эшҡыуарлыҡ менән шөғөлләнә башлаған. Фермер хужалыҡтары эре инвесторҙар, система булдырыусы предприятиелар булмаған райондар өсөн айырыуса мөһим. Был үҙ эшен ойошторорға һәләтле ауыл халҡы өсөн яҡшы мөмкинлек. Өҫтәүенә беҙҙә «Ғаилә малсылыҡ фермалары» һәм «Яңы эш башлаусы фермер» кеүек программалар бар. Әлегә ошо программалар буйынса аҡса күскәнен көтәбеҙ. Быйыл 1 майға тиклем ҡатнашыусыларға грант аҡсаһын йүнәлтә башларбыҙ тип ышанабыҙ. Тимәк, улар аҡсаны яҙғы баҫыу эштәрен үткәреүгә, яңы техника һатып алыуға, яңы ауыл хужалығы миҙгелен башлауға тотона ала, — тине министр.

Әлеге ваҡытта Башҡортостан фермерҙары тулайым продукция күләме буйынса дөйөм Рәсәй рейтингында — 13-сө, Волга буйы федераль округында өсөнсө урын биләй.

Бөгөн республикала бөтәһе алты меңдән ашыу фермер хужалығы иҫәпләнә.

#ауыл хужалығы #фермер хужалыҡтары

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.