Республикала теплицала үҫтерелгән йәшелсәләрҙе һатыу буйынса берҙәм логистик үҙәк төҙөлә

Олег Яровиков

IMPORT Сервисный

ӨФӨ, 2015 йыл, 9 декабрь. /«Башинформ» мәғлүмәт агентлығы, Әлим Фәйезов/. Башҡортостан аграрийҙары сит ил ауыл хужалығы продукцияһын үҙебеҙҙекенә алмаштырыу буйынса эште әүҙемләштерә. Айырыуса теплицала йәшелсә үҫтереүселәрҙең эштәре һәйбәт бара. Атап әйткәндә, Туймазы районында урындағы йәшелсәселәр муниципалитет хакимиәте менән берлектә продукция етештереү һәм һатыуҙың һөҙөмтәлелеген күтәреү буйынса стратегия билдәләгән. Был ябыҡ тупраҡта йәшелсә үҫтереүҙе ғилми-механизацияланған нигеҙгә күсереү, теплицаларҙы йылытыуҙы яңыртыу һәм берҙәм логистик үҙәк аша сауҙа системаһын булдырыу.

Район хакимиәтендә хәбәр итеүҙәренсә, берҙәм логистик үҙәктең функцияларын «Туймазы» крәҫтиән (фермер) хужалыҡтары ассоциацияһы ағзалары ойошторған кооператив үтәйәсәк. Тәжрибә туплағандан һуң үҙәк ассоциацияға ингән 56 хужалыҡтың ғына түгел, бөтә теләүселәрҙең дә йәшелсәләрен һатыуҙы тәьмин итәсәк.

Әлеге ваҡытта Төмәнәк ауыл советы биләмәһендә майҙаны 648 квадрат метрлыҡ йәшелсә һаҡлағысҡа нигеҙ һалынған. Шундай йәшелсә һаҡлағыс Иҫке Туймазы ауылында ла төҙөлгән һәм хәҙер юридик яҡтан рәсмиләштерелә. Объекттар файҙаланыуға тапшырылғас, йәшелсәселәр кәбеҫтә өсөн ябыҡ тупраҡ майҙандарын киңәйтә башлаясаҡ. Киләсәктә кооператив шәхси ярҙамсы хужалыҡтарға, фермерҙарға заявка бирәсәк һәм улар үҙҙәренең продукцияһын йәшелсә һаҡлағыстарға килтерә аласаҡ. Артабан Туймазы логотибы төшөрөлгән продукция республикала ғына түгел, унан ситтә лә һатыласаҡ. Бөгөнгә «Полушка», «Байрам», «Челны-хлеб», «Молния» сауҙа селтәрҙәрен теплица продукцияһы менән тәьмин итеү яйға һалынған. Ошо көндәрҙә ҙур партия Мәскәүгә ебәрелгән, тип билдәләнеләр муниципалитетта.

#ауыл хужалығы #импортты алмаштырыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.