ӨФӨ, 2015 йыл, 18 ноябрь. /«Башинформ» мәғлүмәт агентлығы, Ксения Калинина/. Быйыл ғинуар-сентябрь айҙарында Башҡортостан предприятиелары һәм ойошмалары 54,7 миллиард һум күләмендә табыш алған, был уҙған йылдағы күрһәткестән 45 процентҡа кәмерәк. Файҙаһыҙ ойошмаларҙың өлөшө 18,9 проценттан 23,1 процентҡа тиклем артҡан. Уларҙың зыяны дүрт тапҡырға — 66,1 миллиард һумғаса артҡан. Республика ойошмаларының финанс хәле тураһында мәғлүмәттәрҙе Башҡортостанстат
баҫтырып сығарған.