Шишәмбе, 12 Май 2026

Өфө

+13 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Иҡтисад

10:36 (UTC+5), 05 Ноябрь 2015

Башҡортостанда Белорет ҡалаһы ситенән үткән урау юл асылды

Ольга Колесникова

IMPORT Сервисный

ӨФӨ, 2015 йыл, 5 ноябрь. /«Башинформ» мәғлүмәт агентлығы, Әлим Фәйезов/. Белорет районында ҡала ситенән үткән Стәрлетамаҡ — Белорет — Магнитогорск автомобиль юлы участкаһының икенсе сиратын төҙөү тамамланды. Белорет — Өфө, Белорет — Магнитогорск һәм Белорет — Учалы – Мейәс автомобиль юлдарын тоташтырыусы 21,2 саҡрымлыҡ урау юл файҙаланыуға тапшырылды.

Автомобиль юлын һалыу 2006 йылда башланғайны. 11,2 саҡрымлыҡ тәүге участка 2011 йылдың октябрендә асылды.

2015 йылда икенсе сиратты төҙөү өсөн федераль бюджеттан 408 миллион һум аҡса бүленде. Бер нисә ай эсендә Ҡаҙыш ауылы эргәһендә Белорет — Өфө трассаһы менән тоташтырыусы ун саҡрымлыҡ участка төҙөлдө. Бынан тыш, Белорет — Учалы — Миәс автомобиль юлына һәм Ломовка ауылына инеү юлы һалынған. Шулай итеп, урау автомобиль юлы Белорет ҡалаһы ситенән транзит транспорты ағымын үткәрергә мөмкинлек бирҙе.

Ошо осорҙа Ағиҙел һәм Боғанаҡ йылғалары аша ике күпер, Пугачев карьеры янындағы тимер юлы аша юл үткәргес төҙөлдө. Электр тапшырыу, газ торбаһы линиялары, элемтә кабелдәре күсерелде һәм үҙгәртеп ҡоролдо.

Кисә урау автомобиль юлын асыу тантанаһы булды. Унда Башҡортостан Хөкүмәте Премьер-министры урынбаҫары Владимир Нагорный, республиканың Транспорт һәм юл хужалығы буйынса дәүләт комитеты рәйесенең беренсе урынбаҫары Рим Ғиләжетдинов, Белорет районы хакимиәте башлығы Владислав Миронов, «Башкиравтодор» асыҡ акционерҙар йәмғиәтенең генераль директоры вазифаһын башҡарыусы Мирхәт Рәжәпов ҡатнашты.

Улар үҙ сығыштарында был ваҡиғаның Белорет халҡы өсөн генә түгел, республикала һәм күрше төбәктәрҙә йәшәүселәр өсөн дә социаль әһәмиәтле булыуын билдәләне. Белорет ҡалаһы ситенән үткән урау юл ҡала урамдарында транзит транспортын кәметергә, ҡалала экологик хәлде яҡшыртырға, юл-транспорт хәрәкәте хәүефһеҙлеге кимәлен арттырырға, биләмәнең инфраструктураһын һәм тораҡ пункттар араһында транспорт бәйләнешен яҡшыртырға мөмкинлек бирәсәк.

Был көндә иң яҡшы төҙөүселәргә почет грамоталары һәм иҫтәлекле бүләктәр тапшырылды, тип хәбәр иттеләр Белорет районы хакимиәтенең мәғлүмәт-аналитика бүлегендә.

1 из 20

#юл төҙөлөшө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.