Башҡортостанда машиналарына ауыр йөк тейәмәгән водителдәрҙе бүләкләйҙәр

Учалы районы хакимиәте

IMPORT Сервисный

ӨФӨ, 2015 йыл, 30 сентябрь. /«Башинформ» мәғлүмәт агентлығы, Әлим Фәйезов/. Башҡортостан «Юлға — ауыр йөкһөҙ!» бөтә Рәсәй акцияһына ҡушылды. Сара 28 сентябрҙән 4 октябргә тиклем дауам итә.

Кисә Учалы районында дөйөм файҙаланыуҙағы автомобилдәр юлдарын һаҡлауҙы тәьмин итеү һәм ауыр йөк тейәгән машиналарҙың хәрәкәтен контролдә тотоу буйынса сарала акцияны үткәреүгә йәлеп ителгән структуралар ҡатнашты. Тикшереүҙә республика Ауырлыҡ контроле буйынса хеҙмәттең мониторинг бүлеге етәксеһе Олег Лыгин, Башҡортостандың Юл хужалығы идаралығы белгесе Виктор Миронов, Учалы ҡалаһы һәм Учалы районы буйынса ЮХХДИ хеҙмәткәрҙәре, журналистар ҡатнашты. Ауыр йөк тейәгән транспортты Учалы ауылы эргәһендә үлсәү ярҙамында тикшерҙеләр. Бер сәғәт эсендә генә алты йөк машинаһы туҡтатылды, шуларҙың берәүһе рөхсәт ителгән күләмдән артығыраҡ йөк тейәгән. Транспорт сараһы махсус туҡталҡаға ебәрелде һәм тейешле протокол төҙөлдө.

Был көндө акцияны ойоштороусылар водителдәр менән ҡануниәт талаптарын үтәү кәрәклеге һәм уларҙы боҙған өсөн яуаплылыҡ саралары хаҡында әңгәмәләште. Йөктәре тейешле күләмдән артмаған водителдәргә машиналарына йәбештереү өсөн «Юлға — ауыр йөкһөҙ!» тип яҙылған ҡағыҙ бирелде, тип хәбәр иттеләр Учалы районы хакимиәтендә.

Белгестәр билдәләүенсә, ауыр йөк тейәгән ҙур машиналар юл япмаһын юҡҡа сығара. Йөк ташыу ҡағиҙәләрен боҙған өсөн административ яза ҡаралған. Мәҫәлән, водителгә 1 меңдән 10 мең һумға тиклем штраф һалыныуы йәки ике айҙан алты айға тиклем идара итеү таныҡлығы тартып алыныуы ихтимал. Вазифалы кешеләргә — 10-дан 50 мең һумға, юридик шәхестәргә 100-ҙән 500 меңгә тиклем штраф һалынырға мөмкин.

1 из 10

#юл хужалығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.