Беренсе R2R форумында ҙур һәм бәләкәй эшҡыуарлыҡтың үҙ-ара эш итеү ысулдары тикшереләсәк

Олег Яровиков

IMPORT Сервисный

ӨФӨ, 2015 йыл, 23 сентябрь. /«Башинформ» мәғлүмәт агентлығы, Ксения Калинина/. 20 октябрҙән 23-нә тиклем Өфөлә Беренсе «ШОС һәм БРИКС илдәре төбәктәрендә бәләкәй эшҡыуарлыҡ» (R2R) форумында сәнәғәт өлкәһендәге ҙур һәм бәләкәй эшҡыуарлыҡтың үҙ-ара эш итеү ысулдары тикшереләсәк. R2R сиктәрендә «Сәнәғәт, сеймал сығарыу һәм уны эшкәртеү — ҙур һәм бәләкәй эшҡыуарлыҡтың стратегик партнерлығы» тигән темаға дискуссия ойоштороласаҡ. Был хаҡта «Башинформ» агентлығына республика Сауҙа-сәнәғәт палатаһының күргәҙмәләр һәм презентация эшмәкәрлеге департаментында хәбәр иттеләр.

Дискуссияның модераторы булып «Союзконсалт» халыҡ-ара эксперттар селтәре идараһы рәйесе Олег Паладьев сығыш яһаясаҡ. Төрлө илдәрҙең ҙур һәм бәләкәй бизнесы араһында үҙ-ара эш итеүҙе киңәйтеү мәсьәләләрен тикшереү ҡаралған.

«Ҙур һәм бәләкәй эшҡыуарлыҡтың үҙ-ара эш итеүе Рәсәй иҡтисады үҫешендә сәнәғәтте үҫтереү өсөн оло әһәмиәткә эйә, — тип иҫәпләй Олег Паладьев. — Бәләкәй һәм урта эшҡыуарлыҡ баҙарҙағы үҙгәрештәргә еңел яраҡлаша. Һөҙөмтә булараҡ, аутсорсинг — ҙур компанияларҙың яңыртыу талап иткән эшҡыуарлыҡ процесын бәләкәй эшҡыуарлыҡҡа тапшырыуы — үҙ-ара файҙалы механизм булып тора».

Сарала ҡатнашыуға «Рособоронэкспорт» асыҡ акционерҙар йәмғиәте генераль директорының беренсе урынбаҫары Иван Гончаренко, Башҡортостандың сәнәғәт һәм инновация сәйәсәте министры Алексей Карпухин, «Роскитинвест» «Томск өлкәһендә сауҙа-сәнәғәт хеҙмәттәшлеген үҫтереү буйынса рус-ҡытай инвестиция компанияһы» ябыҡ акционерҙар йәмғиәтенең генераль директоры Гоцин Пэн, Marcopolo S.A. генераль директоры Жозе Рубенс де ла Роса, Ҡытай Халыҡ Республикаһының транспорт министры Ян Чуаньтан саҡырылған.

#брикс #сауҙа-сәнәғәт палатаһы #форум #халыҡ-ара хеҙмәттәшлек #бизнес

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.