Рәсәйҙең иҡтисади үҫеш министры урынбаҫары — «Росимущество» етәксеһе Ольга Дергунова менән эш осрашыуы

Башҡортостан Башлығының матбуғат хеҙмәте

IMPORT Сервисный

ӨФӨ, 2015 йыл, 17 сентябрь. /«Башинформ» мәғлүмәт агентлығы, Илья Спиридонов/. 16 сентябрҙә Республика йортонда Башҡортостан Башлығы Рөстәм Хәмитов Рәсәйҙең иҡтисади үҫеш министры урынбаҫары — Дәүләт милке менән идара итеү буйынса федераль агентлыҡ етәксеһе Ольга Дергунова менән осрашты.

Осрашыуҙа Башҡортостан хөкүмәте ағзалары, «Росимущество» һәм «Башнефть» акционерҙар нефть компанияһы асыҡ акционерҙар йәмғиәте вәкилдәре ҡатнашты. Яҡтар Башҡортостан биләмәһендә дәүләт милке менән идара итеүҙе ойоштороу мәсьәләләрен, ҡайһы бер объекттарҙы республика һәм муниципаль милеккә тапшырыу мөмкинлеген тикшерҙе, шулай уҡ акционерҙарҙың «Башнефть» компанияһының акцияларын файҙаланыу һәм тауыш биреү тәртибе тураһында килешеүенә ҡул ҡуйҙы.

— Бөгөн «Башнефть» компанияһының акцияларын дәүләт милкенә тапшырыу буйынса эште тамамлайбыҙ, — тине Рөстәм Хәмитов. — Ошо килешеүҙең бөтә талаптарын үтәүҙе үҙ өҫтөбөҙгә алабыҙ. Компания үҫһен, яңы уңыштарға ирешһен өсөн федераль хөкүмәт, федераль башҡарма власть органдары, «Башнефть» менән килешеп эшләйәсәкбеҙ.

— Беҙҙең мөнәсәбәттәрҙең яңы этабы башлана. Рәсәй, биржалағы акционерҙар ғына түгел, Рәсәй субъекты ла компанияның акционерҙары буласаҡ. Был ҙур яуаплылыҡ өҫтәй. Маҡсатыбыҙ — Рәсәй мәнфәғәтендә ошо активты арттырыу буйынса ҡуйылған бурыстарға ирешеү, — тип билдәләне Ольга Дергунова.

«Росимущество» етәксеһе һүҙҙәренсә, сәфәр барышында башҡа мәсьәләләр буйынса ла һүҙ барҙы.

— «Башнефть» акцияларын тапшырыу Башҡортостандың һуңғы бер нисә йылда илебеҙ алдына ҡуйған мәсьәләләргә иғтибар итергә мөмкинлек бирҙе. Улар Урмансылар паркын тапшырыу йәһәтенән Рәсәй менән Башҡортостан араһында милекте яңынан бүлеү, ауыл хужалығы ерҙәрен һөҙөмтәле файҙаланыу һәм уларҙы федераль милектән республика милкенә күсереү мәсьәләләре, — тине Ольга Дергунова. — Минеңсә, маршрутыбыҙ башланып ҡына тора, шуға күрә яңы идеялар, яңы берлектәге проекттар көтәбеҙ һәм шулар өҫтөндә бергәләп эшләргә әҙер булыуыбыҙҙы белдерәбеҙ.

#росимущество #башнефть #эш осрашыуҙары #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.