Среда, 21 Октября 2026

Уфа

+3 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Иҡтисад

15:19 (UTC+5), 07 Сентября 2015

Төбәктә «Һыбайлы юлы-2015» атлы туризм фестивале тамамланды

ӨФӨ, 2015 йыл, 7 сентябрь. /«Башинформ» мәғлүмәт агентлығы, Юлай Мәғәсүмов/. Уҙған ял көндәрендә Белорет районының Ҡағы ауылы янында өс көн буйына барған «Һыбайлы юлы-2015» атлы туризм фестивале тамамланды. Уны республиканың Эшҡыуарлыҡ һәм туризм буйынса дәүләт комитеты, «Тәңре» экология берләшмәһе һәм район хакимиәте булышлығында Башҡортостандың Атлы туризм федерацияһы ойошторҙо.

Өфө, Стәрлетамаҡ, Екатеринбург, Силәбе, Магнитогорск ҡалаларынан килгән ҡатнашыусылар йүнәлеш ала белеү һәм һыбай йөрөү оҫталығы буйынса ярышты. Өс көн йомғаҡтары буйынса Өфөнөң «Уҡ» командаһы абсолют еңеүсе тип билдәләнде. Ошо команданың иң әүҙем ҡатнашыусыларының береһе Надежда Маликова атлы туризм буйынса Рәсәй йыйылма командаһы составына инә.

Фестиваль сиктәрендә «Рәсәй төбәктәрендә атлы туризмды үҫтереүҙең актуаль мәсьәләләре» темаһына түңәрәк өҫтәл уҙғарылды.

Сараны ойоштороусылар билдәләүенсә, фестивалдең төп маҡсаты — сәйәхәт итергә һәм һыбай йөрөргә яратыусыларҙы берләштереү һәм дәүләт органдарының иғтибарын республикала һәм илдә атлы туризмды үҫтереү проблемаларына йәлеп итеү.

«Башинформ» агентлығы хәбәрсеһе фестивалде ойоштороусыларҙың республика ауылдарындағы һәр мәктәптә ат спорты эшен индереү перспективаһын нисек баһалауы менән ҡыҙыҡһынды. Ойоштороусылар фекеренсә, туристар берләшмәһе был яңылыҡты ыңғай ҡабул иткән, сөнки ул атлы туризмға ла ҡағыла.

— Был Башҡортостандың ат спорты һәм туристик өлкәһе өсөн яҡшы билдә, — тине «Тәңре» экология берләшмәһе директоры Александр Гончаров. — Беҙ үҙебеҙҙең яҡтан белем биреү программаларына яңы стандарттар индереү буйынса методик ярҙам күрһәтергә әҙер.

Башҡортостан Башлығы Рөстәм Хәмитов һәр ауыл мәктәбендә ат спорты эшен үҫтереү тәҡдиме менән сығыш яһаны. 2015 йылдың 2 июлендә төбәктең Йәмәғәт палатаһы йыйылышында республика Башлығы балаларҙы эшкә ылыҡтырыу, хеҙмәт тәрбиәһе биреү менән шөғөлләнергә кәрәк, тигән фекер әйтте.

1 из 14

#атлы туризм

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.