Рөстәм Хәмитов: «Татарстан менән Башҡортостан предприятиеларының, ғилми үҙәктәренең эшен берләштереү мөһим»

Башҡортостан Башлығының матбуғат хеҙмәте

IMPORT Сервисный

ӨФӨ, 2015 йыл, 3 сентябрь. /«Башинформ» мәғлүмәт агентлығы, Илья Спиридонов/. 2 сентябрҙә Ҡазанда Башҡортостан Башлығы Рөстәм Хәмитов XXII Татарстан нефть һәм газ химияһы форумы сиктәрендә үткән «Традицион булмаған углеводород ятҡылыҡтарын разведкалау һәм уны эшкәртеү үҙенсәлектәре» халыҡ-ара ғилми-ғәмәли конференцияһының пленар ултырышында сығыш яһаны.

– Нефть һәм газ комплексы – илебеҙ иҡтисадының төп этәргесе. Күп осраҡта социаль өлкәне, халыҡтың йәшәү кимәлен һәм сифатын яҡшыртыу, илдең именлеге уның тотороҡло эшләүенә бәйле. Был Башҡортостан өсөн айырыуса мөһим. Оҙатылған продукция күләменең 43 проценты, республиканың тупланма бюджетына һалым керемдәренең 36 проценты тармаҡ предприятиеларына тура килә. Улар әүҙем социаль сәйәсәт алып бара, мөһим объекттар төҙөүҙә ҡатнаша, хәйриә эшмәкәрлеге менән шөғөлләнә, – тип билдәләне үҙ сығышында Рөстәм Хәмитов.

Уның һүҙҙәренсә, республиканың яғыулыҡ-энергетика комплексы, нефть һәм газ химияһы яҡшы темптар менән үҫешә. Һуңғы биш йылда «Башнефть», «Газпром нефтехим Салауат», «СИБУР», Стәрлетамаҡ нефть химияһы заводы, «Башҡортостан сода компанияһы» кеүек предприятиелар ошо маҡсатҡа 200 миллиард һум аҡса йүнәлткән. Республикала нефть химияһы кластеры, аҙ тоннажлы нефть химияһы кластеры, нефть һәм газ инжинирингы, шулай уҡ геофизик кластер булдырылған һәм уңышлы эшләй.

– Һөҙөмтәлә етештерелгән продукция исемлеге арта, сығымдар кәмей, яңы продукттар һәм технологиялар булдырыу процесы оптималләштерелә, кластерҙа ҡатнашыусыларҙың төшөмө арта. Мәҫәлән, бөгөн Башҡортостандың инжиниринг компаниялары нефть эшкәртеүҙә технологияларҙың 90 проценттан ашыуын алмаштыра ала, – тип һыҙыҡ өҫтөнә алды республика Башлығы.

Рөстәм Хәмитов Волга буйы федераль округында төбәк-ара нефть һәм газ химияһы кластерын булдырыу тәҡдиме менән сығыш яһаны.

– Бөгөн Татарстан менән Башҡортостан предприятиеларының, ғилми үҙәктәренең эшен берләштереү мөһим. Был беҙгә илебеҙ биләмәһендә алдынғы урындарҙы биләргә һәм донъя баҙарына көслө структура булараҡ сығырға мөмкинлек бирәсәк, – тип белдерҙе төбәк етәксеһе.

#нефть химияһы #бр башлығы

Присоединяйтесь — больше и быстрее в наших соцсетях:

Рубрики

Форматтар

Телефон

(347) 250-05-07

Адрес

450077, Өфө, Киров урамы, 45

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

Отдел кадров

ok@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.