Республикала һуңғы йылда ниндәй һөнәр эйәләренең эш хаҡы кәмеүе тураһында билдәле булды

Андрей Старостин

IMPORT Сервисный

ӨФӨ, 2015 йыл, 29 июль. /«Башинформ» мәғлүмәт агентлығы, Эльвира Латипова/. Башҡортостанстат иҡтисади эшмәкәрлек төрҙәре буйынса республика предприятиелары һәм ойошмалары хеҙмәткәрҙәренең уртаса хеҙмәт хаҡы динамикаһын тикшерҙе. 2015 йылдың ғинуарынан майға тиклемге мәғлүмәттәр былтырғы ошо осор күрһәткестәре менән сағыштырылды.

Был осорҙа файҙалы ҡаҙылмалар табыу буйынса предприятие хеҙмәткәрҙәренең эш хаҡы — 9,8, нефть эшкәртеүселәрҙеке 3,8 процентҡа кәмегән. Әйткәндәй, Башҡортостанда тап ошо һөнәр эйәләре иң юғары эш хаҡы ала. Ғинуар-май айҙарында файҙалы ҡаҙылмалар табыу буйынса предприятиеларҙа уртаса хеҙмәт хаҡы айына — 44 мең, нефть продукттарын етештереү буйынса 58 мең һум тәшкил иткән.

Башҡа тармаҡтарҙа эш хаҡы түбәнерәк һәм 11,5 мең һумдан алып (күн эшкәртеү-аяҡ кейеме предприятиелары) 35,7 мең һумға тиклем (финанс ойошмалары) тирбәлә.

Ауыл һәм урман хужалығында (айына 13,5 мең һум), туҡыу һәм тегеү сәнәғәтендә (13,9 мең), ресторан һәм ҡунаҡханаларҙа (15 мең) ла эш хаҡы аҙ.

Химия тармағында (айына 35 мең), дәүләт идара итеүе һәм хәрби хәүефһеҙлекте тәьмин итеү, социаль страховкалау өлкәһендә (34,5 мең), электр энергияһы, газ һәм һыу етештереү һәм бүлеү (31,1 мең), транспорт саралары һәм ҡорамалдар етештереү буйынса предприятиеларҙа (30,2 мең) хеҙмәт хаҡы юғарыраҡ.

Ғинуар-май айҙарында республика буйынса уртаса эш хаҡы 24,7 мең һум тәшкил иткән. 2014 йылдың ошо осорона ҡарата ул 3,5 процентҡа артҡан, әммә хаҡтарҙың күтәрелеүен иҫәпкә алғанда, 10,1 процентҡа кәмегән.

#эш хаҡы #статистика #башҡортостанстат

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.