Башҡортостанда Яҡтыкүл отелдәре ассоциацияһы ойоштороласаҡ

IMPORT Сервисный

ӨФӨ, 2015 йыл, 6 июль. /«Башинформ» мәғлүмәт агентлығы, Артур Басиров/. Башҡортостанда Яҡтыкүл отелдәре ассоциацияһы барлыҡҡа киләсәк. Был хаҡта Әбйәлил районында уҙған Курорт һабантуйы сиктәрендә эшлекле осрашыуҙа белдерелде. Отельерҙар фекеренсә, яңы коммерцияға ҡарамаған ойошма райондың туристик зонаһында инфраструктураны үҫтерергә ярҙам итәсәк.

«Бөтәбеҙ ҙә сәйәси һәм иҡтисади хәлдең ниндәй икәнлеген күреп торабыҙ. Сит ил валюталары артҡанлыҡтан, унда сығыу отошһоҙ. Бында нимәһе насар һуң? Яҡтыкүлдә туристарға йәшәү өсөн 400-гә яҡын тәҡдим бар. Әммә барыһы ла айырым эшләй. Отель биләмәһенән сығыу менән ял итеүселәр уңайһыҙлыҡтарға осрай. Бында инфраструктура яйға һалынмаған: йәйәүлеләр һәм велосипедсылар өсөн юлдар, күңел асыу паркы юҡ. Был проблемаларҙы отельерҙар үҙҙәре генә хәл итә алмай. Шуға күрә беҙ берләшергә ҡарар иттек», — тип һөйләне «Башинформ» агентлығына отель хужаларының береһе Григорий Косян.

Отелдәрҙән һәм ял йорттарынан тыш, ассоциацияға кафе-ресторандар ҙа инәсәк тип күҙаллана. Теге йәки был биләмәләрҙе үҫтереү, объекттар төҙөү буйынса ҡарарҙар дөйөм йыйылыштарҙа ҡабул ителәсәк. «Башинформ» агентлығына билдәле булыуынса, хәҙер ассоциация теркәлеү стадияһында. Артабан отельерҙар ял паркын һәм йәйәүлеләр юлын булдырыу буйынса программа һәм генераль план әҙерләүгә тотонмаҡсы.

#туризм һәм ял итеү

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.