Рөстәм Хәмитов: «Башҡортостанда дүртенсе йыл рәттән эш әүҙемлеге күрһәткестәре яҡшыра»

Андрей Старостин

IMPORT Сервисный

ӨФӨ, 2015 йыл, 27 май. /«Башинформ» мәғлүмәт агентлығы, Илья Спиридонов/. 26 майҙа Республика йортонда Рөстәм Хәмитов Башҡортостан Башлығы ҡарамағындағы Инвестиция мөхитен яҡшыртыу буйынса йәмәғәт советы ултырышын үткәрҙе.

— Башҡортостанда дүртенсе йыл рәттән эш әүҙемлеге күрһәткестәре яҡшыра. Ошо ваҡыт эсендә төп капиталға инвестициялар күләме 30,5 процентҡа, шул иҫәптән былтыр 4,1 процентҡа артҡан. Шуныһы ҡыуаныслы: ағымдағы йылдың беренсе кварталында уҙған йылдың шул осорона ҡарата үҫеш 9 процент тәшкил итә, — тине республика етәксеһе.

Рөстәм Хәмитов һүҙҙәренсә, төбәктә инвестиция мөхитен яҡшыртыу өсөн муниципаль кимәлдәге эште ойоштороуҙы яңынан ҡарарға кәрәк. Ошо маҡсатта республика Хөкүмәте эшҡыуарҙар ойошмалары менән берлектә Муниципаль берәмектә уңайлы инвестиция мөхитен тәьмин итеү буйынса урындағы үҙидара органдары эшмәкәрлеге стандарты проектын әҙерләгән. Яҡын арала проект раҫланасаҡ.

Рөстәм Хәмитов инвестиция мөхитен яҡшыртыу буйынса мөһим бурыстарҙы билдәләне — индустриаль парктар төҙөү, кластерҙар булдырыу һәм уларҙы үҫтереү, шул иҫәптән импортты алмаштырыу сәйәсәте сиктәрендә, шулай уҡ кадрҙар мәсьәләһен хәл итеү.

— Ябай булмаған иҡтисади шарттарҙа республиканың инвестиция үҫеше стратегияһы ла үҙгәрештәр кисерә. Шуның менән бергә Башҡортостан Хөкүмәте инвесторҙар өсөн бюджет стимулдары, дәүләт өҫтөнлөктәрен биреү гарантиялары, льготалы һалым һалыу мөмкинлектәренән баш тартырға йыйынмай. Әммә быйылдан башлап төп эш ойошторолған проекттарға өҫтәмә капитал һалыуға бәйле буласаҡ, — тип хәбәр итте төбәк Башлығы. — Рәсәйҙең иң эре банктары менән килешеүҙәргә ҡул ҡуйылған.

Рөстәм Хәмитов, шәхси инвесторҙарҙың хәүефен кәметеү өсөн эшҡыуарлыҡ менән берлектәге йәмәғәт инфраструктураһы объекттарын төҙөү буйынса эште киңәйтергә кәрәк, тип билдәләне. Дәүләт-шәхси партнерлыҡ һәм концессия килешеүҙәре тәжрибәһе республика һәм муниципаль кимәлдә файҙаланылырға тейеш. Бының өсөн республикала Инвестиция фонды булдырылған. Дөйөм күләме — 300 миллион һум. Транспорт, тирә-йүнде һаҡлау һәм спорт өлкәһендә яҡынса 50 миллиард һумлыҡ биш проект хупланған да инде.

Ултырыш барышында Башҡортостан Башлығы республика Хөкүмәтенең иҡтисад бүлегенә бер аҙнала ғәмәлдәге һәм потенциаль инвесторҙарға, башҡарма власть органдарына һәм муниципалитет етәкселәренә Инвестиция мөрәжәғәтен әҙерләп, баҫтырып сығарырға ҡушты.

Ултырышта дәүләт-шәхси партнерлыҡ механизмдарын мәғариф өлкәһендә ҡулланыу мәсьәләләре тикшерелде.

Сығыштың тулы стенограммаһы республика Башлығының рәсми сайтында бирелгән.

#инвестициялар #инвестиция мөхите #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.