Башҡортостанда сәсеү өсөн уңайлы һауа шарттары урынлашты — Ауыл хужалығы министрлығы

Олег Яровиков

IMPORT Сервисный

ӨФӨ, 2015 йыл, 12 май. /«Башинформ» мәғлүмәт агентлығы, Эльвира Латипова/. Башҡортостанда дымлылыҡ һәм температура режимы буйынса һуңғы 15 йылда ауыл хужалығы өсөн уңайлы шарттар барлыҡҡа килде. Бөтә ерҙә лә сәсеү өсөн ҡулай һауа торошо урынлашты. Климат шарттарын иҫәпкә алып теләһә ниндәй ауыл хужалығы культураларын сәсергә мөмкин, әммә аграрийҙарға ярауай бойҙай, борсаҡ һәм һоло сәсергә тәҡдим ителгән. Был хаҡта шишәмбе яҙғы баҫыу эштәрен үткәреү буйынса киңәйтелгән кәңәшмәлә республика Ауыл хужалығы министрлығының үҫемлекселек һәм мелиорация бүлеге етәксеһе Ирек Сураҡов хәбәр итте.

Һуңғы көндәрҙә яуған ямғырҙар арҡаһында сәсеү кампанияһы әкрен барҙы. Шуға ҡарамаҫтан, республика ауыл хужалығы министры Николай Коваленко һүҙҙәренсә, «бының бер ниндәй ҙә ҡурҡынысы юҡ, әлегә иң ҡулай ваҡыт».

Ауыл хужалығы министрлығының матбуғат хеҙмәте мәғлүмәттәре буйынса, бөгөнгө көндә Башҡортостанда 465 мең гектар майҙанда яҙғы сәсеү эштәре башҡарылған, был пландың 23 процентын тәшкил итә. Шул иҫәптән 364 мең гектарҙа бөртөклөләр һәм ҡуҙаҡлылар (пландың 28 проценты), 15,2 мең гектарҙа — шәкәр сөгөлдөрө (31 процент), 43,8 мең гектарҙа көнбағыш (21 процент) сәселгән. Алдынғылар рәтендә — Әлшәй, Дүртөйлө, Илеш һәм Краснокама райондары эшсәндәре.

#ауыл хужалығы #сәсеү

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.