Башҡортостанда күсемһеҙ милек баҙарының йәнләнеүе көтөлә — республиканың Төҙөлөш һәм архитектура буйынса дәүләт комитеты

Андрей Старостин

IMPORT Сервисный

ӨФӨ, 2015 йыл, 15 апрель. /«Башинформ» мәғлүмәт агентлығы, Артур Басиров/. Яҡын арала Башҡортостанда күсемһеҙ милек баҙарының йәнләнеүе көтөлә. Был хаҡта Өфөлә үткән түңәрәк өҫтәлдә республиканың Төҙөлөш һәм архитектура буйынса дәүләт комитеты рәйесенең беренсе урынбаҫары Николай Гавва хәбәр итте.

— Үткән йылдың аҙағында барыһы ла илдә иҡтисади көрсөк буласағын күҙаллап, аҡсаларын нигеҙҙә күсемһеҙ милеккә һалды. Был хәл декабрь айында булды. Һуңынан ипотека буйынса ставканың кәмеүен көтөү арҡаһында килешеүҙәр һаны, шуға ярашлы, төҙөлөш баҙарына керемдәр кәмене. 1 апрелдән ипотека буйынса 12 процентлыҡ ставка ғәмәлгә инә. Бөгөнгө көндә беҙ килешеүҙәр төҙөүҙең һәм төбәктең төҙөлөш комплексына керемдәрҙең әүҙемләшеүен көтәбеҙ, — тип хәбәр итте Николай Гавва.

Николай Гавва әйтеүенсә, ағымдағы йылдың тәүге айҙарында республикала төҙөлөш күрһәткестәре былтырғыға ҡарағанда күберәк.

— Ағымдағы йылдың беренсе кварталында Башҡортостанда 530 мең квадрат метр торлаҡ төҙөлгән. Әгәр былтырғы күрһәткестәр менән сағыштырһаҡ, 30 процентҡа күберәк килеп сыға, — тип һөйләне Николай Гавва.

— Былтырғы һөҙөмтәләр буйынса, торлаҡ менән тәьмин итеү буйынса Өфө илдә алтынсы тиҫтәне биләй. Беҙҙә ихтыяж ҙур. Торлаҡ күп төҙөлөүгә ҡарамаҫтан, булған етешһеҙлектәр саҡ бөтөрөлә башланы, — тине Өфө хакимиәтендәге кәңәшсе Владимир Барабаш.

Республиканың Төҙөлөш һәм архитектура буйынса дәүләт комитеты рәйесенең беренсе урынбаҫары Николай Гавва ведомствола халыҡты ипотекаға ылыҡтырыуға булышлыҡ итәсәк тәҡдим әҙерләнгән тип билдәләне.

— Дәүләт комитетында халыҡты ипотекаға йәлеп итеү өсөн тәҡдим әҙерләнгән. Әлеге ваҡытта ул республика Хөкүмәтендә тикшерелә. Уның асылы республика аҡсалары иҫәбенә процент ставкаһын субсидиялауға ҡайтып ҡала. «Рәсәй ғаиләһе өсөн торлаҡ» программаһында торған кешеләр өсөн ипотека ставкаһын тағы ла ике процентҡа кәметергә, йәғни ставканы 10 процентҡа тиклем төшөрөргә тәҡдим итәбеҙ. Был төбәктә торлаҡ төҙөүҙе әүҙемләштерергә мөмкинлек бирәсәк. Ошондай программа республиканың баш ҡалаһында ла әҙерләнә, — тип йомғаҡ яһаны Николай Гавва.

#күсемһеҙ милек баҙары #торлаҡ #ипотека #төҙөлөш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.