Рөстәм Хәмитов Стратегик инициативалар агентлығының корпоратив директоры Светлана Чупшева менән осрашты

Башҡортостан Башлығының матбуғат хеҙмәте

IMPORT Сервисный

ӨФӨ, 2015 йыл, 13 апрель. /«Башинформ» мәғлүмәт агентлығы, Илья Спиридонов/. 10 апрелдә Республика йортонда Башҡортостан Башлығы Рөстәм Хәмитов Стратегик инициативалар агентлығының корпоратив директоры Светлана Чупшева менән осрашыу үткәрҙе.

Агентлыҡ менән үҙ-ара килешеп эш итеү эшҡыуарлыҡ менән һөҙөмтәле мөнәсәбәттәр булдырырға мөмкинлек бирә, яңы үҫеш моделдәрен төҙөргә булышлыҡ итә, тип билдәләне республика етәксеһе.

– 2014 йыл республиканың инвестициялар йәлеп итеү ҡеүәһенең артыуы йәһәтенән һәйбәт булды. Йыл аҙағында беҙ инвестициялар йәлеп итеү күләме буйынса туғыҙынсы урынды биләнек, – тине Рөстәм Хәмитов. – 2015 йылда ла коллегаларым килтергән һандар былтырғыға ҡарағанда насар түгел. Бынан тыш, беҙ бәләкәй эшҡыуарлыҡҡа иғтибарыбыҙҙы йүнәлтәбеҙ.

Төбәк Башлығы һүҙҙәренсә, Башҡортостан инвестиция мөхитен яҡшыртыу буйынса төбәк стандартын ғәмәлгә ашырыуҙа әүҙем ҡатнаша. Республика ошо саралар уңышлы ҡулланылған тәүге төбәктәрҙең береһе булды, тип билдәләне Светлана Чупшева.

– Башҡортостан үҙенең мөмкинлектәре һәм хеҙмәт ресурстары буйынса бик ҡыҙыҡлы. Сит ил һәм Рәсәй эшҡыуарҙары менән аралашҡанда беҙ республика менән ҡыҙыҡһыныуҙарын күрәбеҙ. Беҙ субъекттың инвестиция мөхитен яҡшыртыуҙа ярҙам итергә теләйбеҙ. Үҙебеҙҙең сараларҙа республиканы күрһәтә алабыҙ, – тине Светлана Чупшева. – Республиканан рейтинг йомғаҡтары буйынса иң яҡшы ғәмәлдәр, ҡыҙыҡлы идара итеү ҡарарҙарын көтәбеҙ.

Стратегик инициативалар агентлығының корпоратив директоры Башҡортостандың инвестициялар йәлеп итеү, эшҡыуарлыҡты алып барыу өсөн яҡшы шарттар булдырыу буйынса эшмәкәрлеген, шулай уҡ республика Башлығы ҡарамағындағы инвестиция советының һөҙөмтәле эшен юғары баһаланы.

Яҡтар шулай уҡ быйыл июлдә баш ҡалала үтәсәк ШОС һәм БРИКС саммиттарын тишерҙе.

– БРИКС илдәренең хеҙмәттәшлеге сиктәрендә беҙ административ кәртәләрҙе кәметеү буйынса башланғыс менән сығыш яһаныҡ. Һүҙ виза режимы, стандарттарҙы таныу, сертификация хаҡында бара. Коллегаларыбыҙҙың ошо башланғысты хуплауы шатландыра, – тип һөйләне Светлана Чупшева. – Беҙ БРИКС илдәренең генә түгел, шулай уҡ ошо илдәрҙең төбәктәре менән хеҙмәттәшлек буйынса башланғыстарығыҙ хаҡында ла беләбеҙ, һәм уны хуплайбыҙ.

Шулай уҡ Стратегик инициативалар агентлығының корпоратив директоры Рөстәм Хәмитовтан БРИКС илдәре менән бәйләнештәре булған Башҡортостан предприятиеларының административ кәртәләрҙе кәметеү буйынса документтың нигеҙен тәшкил итерлек тәҡдимдәр исемлеген төҙөүҙәрен һораны.

#инвестициялар #стратегик инициативалар агентлығы #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.