Күмертау авиация етештереү предприятиеһында «Рәсәй вертолеттары» холдингы өсөн һынау үҙәге булдырыла

Олег Яровиков

IMPORT Сервисный

ӨФӨ, 2015 йыл, 24 март. /«Башинформ» мәғлүмәт агентлығы, Эльвира Латипова/. «Рәсәй вертолеттары» холдингы «Күмертау авиация етештереү предприятиеһы» (КүмАЕП) асыҡ акционерҙар йәмғиәтендә «Ка» маркалы вертолеттарҙың йөрөтөүсе системаларын һынау буйынса тәжрибә үҙәген ойоштора. «Рәсәй вертолеттары» хәбәр итеүенсә, үҙәк эшләй башлағас, холдингта һынауҙар үткәреүгә сығымдарҙы кәметергә мөмкин буласаҡ тип көтөлә.

Апрелдән Ка-62 вертолетының тәжрибә өлгөһө «Воротыновка» аэродромында урынлашҡан яңы майҙансыҡта һынау үтә башлай.

— Әлеге мәлдә күҙәтеү пунктында монтажлау һәм биҙәкләү эштәре тамамлана, ә Ка-62 вертолеттарын һынау өсөн стенд әҙер, — тип хәбәр итте «Рәсәй вертолеттары» холдингының генераль директоры урынбаҫары Андрей Шибитов. — Хәҙер Ка-62 корпусы буйынса техник мәсьәләләр хәл ителә. Ағымдағы йылдың апрелендә ошо вертолеттың тәжрибә өлгөһөн һынау өсөн әҙер майҙансыҡты тапшырыу күҙаллана.

Ка-226(Т), Ка-52 «Аллигатор» һәм Ка-52К вертолеттарының йөрөтөүсе системаларын һынау өсөн майҙансыҡтар төҙөү 2015 йылдың аҙағында тамамланасаҡ.

Һынау стендтарының дөйөм майҙаны бер квадрат километрҙан ашыу. Ул КүмАЕП-тың осоу-һынау станцияһынан 11 километр алыҫлыҡта урынлашҡан. Аэродром биләмәһендә Ка-62, Ка-226(Т), Ка-52 «Аллигатор» һәм Ка-52К вертолеттарын һынау өсөн өс майҙансыҡ, яғыулыҡ-майлау материалдары базаһы һәм күҙәтеү пункты буласаҡ.

Әлеге көндә КүмАЕП-та етештереүҙе диверсификациялау бара. Ул ҡорамалдар һәм агрегаттар етештереүҙе, шулай уҡ тәжрибә үҙәктәрен булдырыуҙы күҙ уңында тота. Был иһә КүмАЕП вертолеттар ғына түгел, «Рәсәй вертолеттары» холдингының башҡа предприятиелары өсөн дә ҡорамалдар һәм агрегаттар етештерәсәк тигән һүҙ.

#машиналар эшләү #күмаеп

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.