Силәбе делегацияһы Башҡортостандағы экологик контроль системаһы менән танышты

IMPORT Сервисный

ӨФӨ, 2015 йыл, 20 март. /«Башинформ» мәғлүмәт агентлығы, Эльвира Латипова, Артур Басиров/. Силәбе өлкәһе губернаторы Борис Дубровский етәкселегендәге делегация Башҡортостан Экология министрлығының Дәүләт аналитик контроль идаралығында булды. Ҡунаҡтар Дәүләт аналитик контроль идаралығының экологик контроль күсмә лабораторияһын ҡараны һәм «Башнефть» компанияһының атмосфера һауаһын бысратыуҙы контролдә тотоу станцияһының эш принциптары менән танышты.

— Яҡшы тәьҫораттар алдыҡ, сөнки Башҡортостан был йүнәлештә алға киткән, — тине Силәбе өлкәһе губернаторы урынбаҫары Олег Климов.

Уның һүҙҙәренсә, Силәбе белгестәренең дә ошоға оҡшаш объекттар төҙөү буйынса пландары бар, хәҙер шундай ҡорамалдар һатып алыу өсөн аҡса бүленде. Башҡортостандың тәжрибәһе Силәбе өлкәһендә лә ҡулланыласаҡ, ул төбәк сәнәғәтенә, металлургия тармағына йүнәлтеләсәк.

Дәүләт аналитик контроль идаралығы — эксперттар ойошмаһы, тирә-яҡ мөхиттең сифатын көйләү өсөн кәрәкле мәғлүмәт алыуҙы тәьмин итә. Белгестәр заманса ҡорамалдар ярҙамында тәбиғи мөхиттәге, сәнәғәт ҡалдыҡтарындағы химик берләшмәләрҙе һәм токсик матдәләрҙе асыҡларға һәләтле.

Башҡортостандың Экология министрлығы мәғлүмәттәре буйынса, экологик лабораторияларҙың ике йыл эшләү осоронда төбәктә тирә-яҡ мөхитте бысратыусы матдәләрҙең норманан сығыу осрағы бер тапҡыр ҙа теркәлмәгән.

#экология #сәфәрҙәр #тышҡы бәйләнештәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.