ӨФӨ, 2015 йыл, 18 март. /«Башинформ» мәғлүмәт агентлығы, Эльвира Латипова/. 2013-2020 йылдарға «Башҡортостан Республикаһының торлаҡ-коммуналь хужалығын яңыртыу һәм үҙгәртеп ҡороу» дәүләт программаһын финанслауҙың дөйөм күләме 22,2 процентҡа — 32 миллиард 649,5 миллион һумға тиклем кәметелде. Программаның үҙгәртелгән параметрҙары республика Хөкүмәте
ҡарары менән раҫланған. Документ рәсми хоҡуҡи мәғлүмәт сайтында урынлаштырылған.