Өфөлә 1 декабрҙән электр транспортында юл йөрөү хаҡы артасаҡ

IMPORT Сервисный

ӨФӨ, 2014 йыл, 17 ноябрь. /«Башинформ» мәғлүмәт агентлығы, Розалия Вәлиева/. Өфөлә 1 декабрҙән алып трамвай һәм троллейбустарҙа юл йөрөү хаҡы артасаҡ. Билет хаҡы 12-нән 15 һумға күтәреләсәк. «Юл хаҡын арттырыу экологик таҙа транспортта йөрөү уңайлығын күтәреүгә өндәлгән эшкә комплекслы ҡарарға мөмкинлек бирәсәк», — тип хәбәр ителә Өфө хакимиәтенең рәсми сайтында.

Ҡулаҡса менән түләгәнгә ҡарағанда электрон пластик карта буйынса –12 һумға йөрөү осһоҙораҡ буласаҡ. Карталары булған өфөләргә уны алмаштырыға кәрәкмәй. Бынан тыш, Өфө ҡалаһының Муниципаль электр транспорты идаралығында хатта бөгөнгө хаҡтар менән сағыштырмаса юл хаҡын кәметеү мөмкинлеге биреүсе төрлө тариф пландары әҙерләгәндәр. Айлыҡ абонементтар сиктәрендә 200 һәм 285-шәр һумлыҡ 20 һәм 30 тапҡыр юл йөрөрлөк тарифтар буласаҡ. Шулай итеп, был тарифтар сиктәрендә бер тапҡыр электр транспортында йөрөү 10 һәм 9,5 һумға барып баҫасаҡ. Айына 60 сәфәргә иҫәпләнгән абонемент 540 һум (билет хаҡы — 9 һум), ә студенттар, ташламалы һәм мәктәп уҡыусылары карталары 50 тапҡыр йөрөүгә — 380, 285 һәм 230 һум торасаҡ.

Айына 90 тапҡыр юл йөрөү 720 һумға (билет хаҡы — 8 һум), студенттар, ташламаға эйә булыусы кешеләр, уҡыусылар өсөн 90 сәфәр — 630, 470 һәм 375 һумға барып баҫасаҡ. 900 һумға айына 120 тапҡыр йөрөргә мөмкин (бер билет хаҡы — 7,5 һум).

Багаж хаҡы элекке 7 һум урынына 9 һум күләмендә билдәләнгән.

Билдәләп үтергә кәрәк, файҙаланылмаған юл йөрөүҙәр ай аҙағында юҡҡа сығасаҡ, шуға күрә ҡала халҡына алдан үҙҙәре өсөн уңайлы варианты һайларға кәрәк.

Әлеге ваҡытта Өфөлә 170 меңдән ашыу пластик түләү картаһы теркәлгән. Яңы тариф пландарын һайларға мөмкин булған 14 транспорт картаһы һатыу һәм тултырыу урыны бар. Уларҙың теҙмәһе менән Өфө ҡалаһының Муниципаль электр транспорты идаралығы сайтында танышырға мөмкин. Артабан бындай урындар күбәйәсәк. «Өфө-Матбуғат» муниципаль унитар предприятиеһы менән һөйләшеүҙәр алып барыла, был маҡсаттар өсөн түләү терминалдарын һәм интернетты файҙаланыу күҙаллана.

#транспорт #пассажирҙар ташыу #юл хаҡы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.