Стәрлетамаҡта тәүлегенә 70 тонна картон һәм ҡағыҙ сығарыу буйынса линия эшләй башлаясаҡ

IMPORT Сервисный

ӨФӨ, 2014 йыл, 11 ноябрь. /«Башинформ» мәғлүмәт агентлығы, Эльвира Латипова/. Картон һәм ҡағыҙ етештереү өсөн ҡорамалдар поставкалауға килешеүҙе «Көньяҡ Урал» компанияһы – Стәрлетамаҡта «Инмаш» технологик паркы резиденты – Ҡытайҙың J.S. Corrugating Machinery Co. Ltd компанияһы менән төҙөгән. Килешеү 3,5 миллион АҠШ доллары тора, тиелә технологик парк материалдарында. Ноябрҙең башында Ҡытайҙа уҙған Башҡортостан Республикаһының бизнес көндәрендә документҡа ҡул ҡуйылған.

Технологик парктың мәғлүмәттәре буйынса, яңы етештереү линияһы Стәрлетамаҡта 2009 йылдан алып сығарылған гофротарының үҙ ҡиммәтен дүрт тапҡырға кәметеү мөмкинлеге бирәсәк. Макулатура һәм ағартылған целлюлоза сеймал булып хеҙмәт итәсәк. Ике баҫҡыслы таҙартыу системаһы менән йыһазландырылған ҡорамалдың етештереү һәләте – тәүлегенә 70 тонна продукция. Техника минутына 240 метр картон һәм бөрмәләнгән ҡағыҙ сығарыуҙы тәьмин итә.

Килешеү ҡорамалды монтажлау, көйләү, тикшереү һәм персоналды уҡытыу буйынса эштәрҙең тулы циклын үҙ эсенә ала. Производствоны киңәйтеү 130 яңы эш урыны булдырырға мөмкинлек бирәсәк. Стәрлетамаҡта линияны асыу киләһе йылға билдәләнгән.

Росстат мәғлүмәттәренә таянып «Инмаш»тан хәбәр итеүҙәренсә, 2013 йылда Рәсәйҙә картон һәм гофрокартон етештереү 3 миллион тоннаға яҡынлашҡан. Донъя практикаһында уның өсөн сеймалдың өсөнсө өлөшөн макулатура тәшкил итә. Рәсәйҙә уның өлөшө аҙыраҡ. «Инмаш» технологик парктың идара итеүсеһе Режавали Хәитовтың фекере буйынса, икенсел сеймалды эшкәртеү эске ресурсты йәлеп итеп кенә ҡалмай, ә халыҡтың экологик мәҙәниәтен формалаштырыуҙа ла булышлыҡ итәсәк.

«Көньяҡ Урал» – гофротаралар һәм гофрировкаланған ҡаптар етештереү буйынса предприятие 2009 йылдан алып эшләй.

«Инмаш» — 2009 йылда «Инмаш» концерны базаһында нигеҙләнгән технологик парк. Инженер инфаструктуралары менән тәьмин ителгән етештереү бүлмәләренең дөйөм майҙаны 110 мең квадрат метрҙан арта. Төп резиденттары – «Инмаш» концерны (машина эшләү), «Көньяҡ Урал» (төрөү материалдары етештереү), «Транстехника» (металл эшкәртеү), «Русфильтр» компаниялары (автомобиль фильтрҙары етештереү), Стәрлетамаҡ механика заводы.

#сәнәғәт #килешеүҙәр #технологик парк #стәрлетамаҡ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.