Ҡытай баҡыр корпорацияһы Башҡортостанда тау-мәғдән сәнәғәте ҡалдыҡтарын эшкәртеүҙе яйға һалырға ниәтләнә

Алик Шакиров

Кесе йома, 28 августа, Башҡортостан Республикаһының Тәбиғәттән файҙаланыу һәм экология министрлығында Ҡытай Халыҡ Республикаһының Цзянси провинцияһындағы Баҡыр корпорацияһы директоры урынбаҫары Лю Цзянхао етәкселегендәге делегация менән осрашыу уҙҙы.

Ҡытай делегацияһы сәфәренең маҡсаты – тау-мәғдән сәнәғәте ҡалдыҡтарын комплекслы файҙаланыу, баҡырҙы тәрән эшкәртеү өлкәһендә республика предприятиелары менән хеҙмәттәшлек мөмкинлектәрен тикшереү.

БР тәбиғәттән файҙаланыу һәм экология министры Илдар Һаҙыевтың әйтеүе буйынса, Урал аръяғы тау-мәғдән предприятиеларының эшмәкәрлеге – экологик яҡтан иң көсөргәнешле йүнәлештәрҙең береһе. Бөгөн республикала 1 миллиард тоннанан ашыу тау-мәғдән сәнәғәте ҡалдыҡтары йыйылған. Шул уҡ ваҡытта ул йыл һайын 30-40 миллион тонна күләмендә арта.

- Тау-мәғдән сәнәғәте ҡалдыҡтарын максималь эшкәртеү менән ҡыҙыҡһынабыҙ, — тине Илдар Һаҙыев. – Был күрһәткес туранан-тура беҙҙең һыу объекттарының сифатына тәьҫир итә. Ошо ҡалдыҡтар төрөн эшкәртеү проблемаһын уңышлы хәл иткәндә мөһим экологик мәсьәлә лә хәл ителәсәк.

- Тирә-яҡ мөхитте хәүефһеҙ итеү, йәмғиәткә файҙа килтереү – беҙҙең төп бурысыбыҙ, — тине делегация етәксеһе Лю Цзянхао.

Осрашыу һуңында яҡтар ошо тематика буйынса мәғлүмәт менән уртаҡлашырға килеште, тип хәбәр иттеләр БР Тәбиғәттән файҙаланыу һәм экология министрлығының матбуғат хеҙмәтенән.

Цзянси провинцияһының Баҡыр корпорацияһы – тау-мәғдән сеймалын эшкәртеү буйынса иң эре компанияларҙың береһе, ул донъяның 500 эре предприятиеһына инә. Уҙған йыл йомғаҡтары буйынса уның әйләнеше 32 миллиард доллар тәшкил иткән. Һуңғы ун йылда корпорацияның экологияға капитал һалыуҙары 250 мең долларға еткән.

#халыҡ-ара хеҙмәттәшлек #тау-мәғдән сәнәғәте

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.