Республиканың Ауыл хужалығы министрлығында Ecolab Америка компанияһы менән хеҙмәттәшлек варианттары тикшерелде

Республиканың Ауыл хужалығы министрлығында бөгөн, Башҡортостан менән малсылыҡ, ҡошсолоҡ, ветеринария, аҙыҡ-түлек һәм эшкәртеү сәнәғәтенең бер төркөм йүнәлеше буйынса хеҙмәттәшлеккә әҙерлеген белдереүсе, Ecolab Америка компанияһы вәкилдәре менән осрашыу уҙҙы.

Башҡортостан Ауыл хужалығы министрлығының матбуғат хеҙмәтенән хәбәр итеүҙәренсә, осрашыуҙа республикала был компанияның бер нисә продуктын тест буйынса һынау, бушлай семинарҙар үткәреү килешелде. Тап ниндәй семинарҙар үткәреүҙәре тураһында Ecolab тәҡдимдәр пакетын ентекле өйрәнеүҙән һуң билдәле буласаҡ.

«Ecolab» Америка компанияһы баҙарҙа 90 йылдан ашыу. Етештереүҙең бөтә тармаҡтарында ла, шул иҫәптән ауыл хужалығында, аҙыҡ-түлек һәм эшкәртеү сәнәғәтендә профессиональ гигиена өлкәһендә махсуслаша. Аҙыҡ-түлек етештереүҙә, һаулыҡ һаҡлау, энергетика, сәнәғәт производствоһы һәм ҡунаҡхана бизнесы производствоһы индустрияһында комплекслы программалар һәм хеҙмәттәр тәҡдим итә. Рәсәйҙә Ecolab сирек быуат самаһы эшләй. Башҡортостанда Америка компанияһын «Налко-Элемент» ябыҡ акционерҙар йәмғиәте тәҡдим итә.