Башҡортостандың көньяҡ райондары халҡы урындағы инициативаларға булышлыҡ итеү программаһына инде

Алик Шакиров

Бөтә донъя банкы Башҡортостандың Урал аръяғында муниципаль берәмектәрҙә урындағы инициативаларға булышлыҡ итеү буйынса проектты ғәмәлгә ашыра. Был программа сиктәрендә Бөтә донъя банкы эксперттары өс көньяҡ районы – Йылайыр, Ейәнсура һәм Хәйбулла биләмәләре башлыҡтары һәм инициативалы халыҡтар төркөмдәре өсөн тренингтар үткәрҙе. Һәр ауыл биләмәһе территорияһында проблемалар бар. Бөтә донъя банкы менән тормошҡа ашырылған, урындағы инициативаларға булышлыҡ итеү буйынса программа был проблемаларҙы асыҡлауға һәм уларҙы бөтөрөүгә, граждандарҙың иң мөһим талаптарын хәл итеүгә йүнәлтелгән. Башҡа программаларҙан был программаның етди айырмаһы – ул халыҡтың әүҙем ҡатнашлығында бойомға ашырыла.

Беренсе һәм, бәлки, программаның иң мөһим этабы ауыл халҡы өсөн иң мөһим булып торған өҫтөнлөклө объектты һайлау өсөн халыҡтың йыйылышын үткәреүҙе күҙаллай. Йылайыр районында бөгөнгө көнгә вәкәләтле органдар бөтә ауыл биләмәләрендә халыҡ менән осрашыу ойошторған. Йыйылыштарҙа һәр ауыл биләмәһе халҡы урындағы үҙидара органдары менән бергә был проект ярҙамында хәл итә алырлыҡ өҫтөнлөктәрҙе һәм проблемаларҙы билдәләне. Был дөйөм алғанда юлдарҙы һәм ундағы ҡоролмаларҙы, инженер инфраструктураһын, социаль учреждениеларҙы ремонтлау; зыяраттарҙы, мемориалдарҙы рәтләү; балалар һәм спорт майҙансыҡтарын төҙөү, ремонтлау һәм йыһазландырыу; контейнер майҙансыҡтарын ҡороу; ҡалдыҡтар һәм сүп-сар йыйыу өсөн контейнерҙар ҡуйыу кеүек инициативалар.

Ауыл биләмәләре халҡы проектта бергәләп ҡатнашырға һәм уны бергәләп финанслауға үҙ ризалыҡтарын бирҙе. Программа халыҡтың ысын өҫтөнлөктәрен асыҡларға һәм тиҙ ваҡытта иң киҫкен социаль проблемаларҙы хәл итеү мөмкинлеге бирә, тип хәбәр итте Йылайыр районы хакимиәтенең мәғлүмәт эше бүлеге начальнигы Флүрә Сарбаева.

1 из 10

#бөтә донъя банкы #урындағы инициативалар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.