80.23
0
Башҡортостан һәм Өфө яңылыҡтары
91.98
0
62.51
+0.52
-2 °C
Болотло
Бөтә яңылыҡтар
Иҡтисад
28 Февраль 2014, 17:09
Сибайҙа Урал аръяғы индустриаль паркы ойоштороласаҡ
Башҡортостандың Урал аръяғында, элекке Сибай ит комбинаты территорияһында, индустриаль парк ойоштороласаҡ. Майҙансыҡта БР Хөкүмәтенең Премьер-министры урынбаҫары – Хөкүмәт Аппараты етәксеһе Илшат Тажитдинов һәм Урал аръяғын иҡтисади йәһәттән үҫтереү буйынса күсмә кәңәшмә ҡатнашыусылары булды.
Майҙандарҙың хужаһы – шәхси эшҡыуар Андрей Андреев. Ул БР Сәнәғәт һәм инновация сәйәсәте министрлығына Сибай ит комбинатының биналар комплексы нигеҙендә индустриаль парк ойоштороу буйынса проектты Башҡортостандың индустриаль парктары исемлегенә индереү тәҡдиме менән мөрәжәғәт итә. Уның заявкаһы хуплана.
Индустриаль парк – производстволар урынлаштырыу өсөн ойошторолған, энергия сығанағы, инфраструктура, административ-хоҡуҡи шарттар менән тәьмин ителгән территория. Индустриаль парк махсус компания менән идара ителә.
2014 йылдың февраленә ҡарата электр энергияһын ҡулланыуға килешеү төҙөлгән, территорияла техник һыу менән скважина бар, производство эшләй башлағас уны ҡала селтәренә тоташтырыу планлаштырыла. Газ менән тәьмин итеү өсөн техник шарттар әҙерләргә кәрәк, әлеге ваҡытта проект эштәре бара. Яҡынса газ биреү ваҡыты – 2014 йылдың майы.
Әлеге ваҡытта индустриаль паркты рәсмиләштереү өсөн кәрәкле документтарҙы йыйыу тамамлана.
Индустриаль парктың дөйөм территорияһы – 13,6 гектар. Инфраструктураны тергеҙеүгә алты миллион һум тотонолған. Бында ябыҡ цикл производствоһы – мебель етештереү, ағас эшкәртеү, ағас ҡалдыҡтарын эшкәртеү, ағас һәм активлаштырылған күмер етештереүҙе ойоштороу планлаштырыла.
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».