Республика делегацияһы Мәскәүҙә АККОР XXV съезында ҡатнашасаҡ

Галина Бахшиева

Башҡортостан делегацияһы Рәсәйҙең Крәҫтиән (фермер) хужалыҡтары һәм ауыл хужалығы кооперативтары ассоциацияһының (АККОР) XXV съезында ҡатнаша, ул Мәскәүҙә 20-21 февралдә үтә.

БР Ауыл хужалығы министрлығының матбуғат хеҙмәтенән хәбәр итеүҙәренсә, Рәсәй фермерлығы өсөн мөһим сарала 80 төбәктән 800-ҙән ашыу делегат ҡатнашасаҡ.

Башҡортостан делегацияһы составында – республика Ауыл хужалығы министры урынбаҫары Рәил Афзалов етәкселегендә 19 кеше. Делегация составына БР Ауыл хужалығы министрлығы, БР Ауыл хужалығы тауарҙары етештереүселәр союзы, БП Ауыл хужалығын консультациялау үҙәге вәкилдәре, шулай уҡ Архангель, Балтас, Баҡалы, Бишбүләк, Борай, Иглин, Илеш, Ишембай, Ҡариҙел, Миәкә, Нуриман, Туймазы һәм Шаран райондары фермер хужалыҡтары етәкселәре, район крәҫтиән (фермер) хужалыҡтары ассоциациялары ағзалары инде.

Рәсәйҙең Крәҫтиән (фермер) хужалыҡтары һәм ауыл хужалығы кооперативтары ассоциацияһының «юбилейлы» съезында РФ ауыл хужалығы министры Николай Федоров, Рәсәй Хөкүмәте вәкилдәре, Федерация Советы етәкселеге һәм ағзалары, Дәүләт Думаһы депутаттары, төбәктәр власть органдары етәкселәре ҡатнашыуҙары көтөлә. Бынан тыш, съезға Берләшкән Милләттәр Ойошмаһының аҙыҡ-түлек һәм ауыл хужалығы ойошмаһы, Халыҡ-ара фермерҙар ойошмаһы делегациялары, Германия, АҠШ, Финляндия, Ҡаҙағстан һәм Белорусия крәҫтиән (фермер) союздары вәкилдәре киләсәк.

Фекер алышыуҙың төп темалары – фермерлыҡ потенциалын үҫтереү, эшләп килгән Дәүләт программаһы сиктәрендә бәләкәй форма хужалыҡтарға дәүләт ярҙамы һөҙөмтәлелеген арттырыу мәсьәләләре буласаҡ. Съезда ҡатнашыусылар шулай уҡ ер мөнәсәбәттәрен, ауыл хужалығы продукцияһын һатыу һәм кооперацияны үҫтереү, ауылдың социаль төҙөлөшөндә фермер хужалыҡтарының ролен, фермерлыҡ хәрәкәтен нығытыуҙы тикшерәсәк.

Рәсәйҙең Крәҫтиән (фермер) хужалыҡтары һәм ауыл хужалығы кооперативтары ассоциацияһының съезы эшенең тәүге көнөндә, 20 февралдә, делегаттарҙың профилле министрлыҡтар һәм ведомстволар вәкилдәре менән эшсе осрашыуҙар һәм кәңәшмәләр үткәреү планлаштырылған.

21 февралдә Мәскәү ваҡыты буйынса сәғәт 10-дан алып 12-гә тиклем пленар ултырыш уҙасаҡ, уның тура трансляцияһы АККОР сайтында ойоштороласаҡ.

#ауыл хужалығы #аккор

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.