Башҡортостанда Халыҡҡа социаль ярҙам күрһәтеүсе республика үҙәге эшләй башланы

Галина Бахшиева

2014 йылдан алып Башҡортостан Хеҙмәт министрлығының территориаль органдары һәм Граждандарға торлаҡ һәм коммуналь хеҙмәт өсөн түләүгә субсидия биреү буйынса республика үҙәге функцияларын Халыҡҡа социаль ярҙам күрһәтеүсе республика үҙәге үтәй башланы.

Яңы дәүләт ҡаҙна учреждениеһы төбәк Хеҙмәт һәм халыҡты социаль яҡлау министрлығын үҙгәртеп ҡороу һөҙөмтәһендә барлыҡҡа килде. Министрлыҡтың матбуғат хеҙмәтендә билдәләүҙәренсә, үҙгәртеп ҡороу социаль ярҙам сараларын күрһәтеүгә һәм торлаҡ һәм коммуналь хеҙмәт өсөн түләүгә субсидия биреүгә һис тә тәьҫир итмәйәсәк. Мөрәжәғәт итеү тәртибе, кәрәкле документтар исемлеге һәм социаль ярҙам алырға хоҡуҡлы граждандар категориялары үҙгәрмәйәсәк.

Халыҡҡа социаль ярҙам күрһәтеүсе республика үҙәге ташламаларға хоҡуҡ биреү тураһында танытмалар һәм уларҙың дубликаттарын биреү менән шөғөлләнәсәк. Бынан тыш, уға торлаҡ шарттарын яҡшыртыуға мохтаж булған билдәле бер граждандар категориялары иҫәбен алып барыу йөкмәтелгән.

Әгәр элек граждандар социаль ярҙам сараларын күреү сәбәбе буйынса Башҡортостан Хеҙмәт министрлығының территориаль органдарына һәм йәшәү урыны буйынса Субсидия биреү республика үҙәгенә мөрәжәғәт итә алһа, хәҙер ошо уҡ хеҙмәттәрҙе республика ҡалаларында һәм райондарында филиалдары булған Халыҡҡа социаль ярҙам күрһәтеүсе республика үҙәге күрһәтәсәк.

Был структур үҙгәрештәргә бәйле, 2014 йылдың 9 ғинуарынан алып социаль ярҙам алыу һорауҙары буйынса йәшәү урыны буйынса Халыҡҡа социаль ярҙам күрһәтеүсе республика үҙәге филиалдарына (филиал бүлектәренә) мөрәжәғәт итергә була.

Үҙәктең барлыҡ 18 филиалында һәм 51 филиал бүлегендә аңлатыу өсөн «ҡыҙыу линия» эшләйәсәк.

Халыҡҡа социаль ярҙам күрһәтеүсе республика үҙәге филиалдарының адрестарын Башҡортостан Хеҙмәт министрлығының сайтында табырға була.

#социаль яҡлау #торлаҡ-коммуналь хужалыҡ

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.