Башҡортостан Рәсәйҙә яңы еңел автомобилдәр һатыу буйынса алтынсы урында

Эльвира Латипова

Башҡортостан 2013 йылдың ғинуар-сентябрендә яңы еңел автомобилдәр һатыу күләме буйынса ТОР-10 Рәсәй төбәктәренә инде һәм унда 71 мең дана күрһәткесе менән алтынсы урынды биләне. Автомобилдәр баҙарын статистик тикшереү һөҙөмтәләре «Автостат» аналитика агентлығы материалдарында бирелә.

Ун айҙа илдә 1,93 миллион яңы еңел автомобиль һатылған, был былтырғы ошо уҡ осорҙағы (2,05 миллион дана) менән сағыштырғанда 5,7 процентҡа кәмерәк.

Һәр ваҡыттағыса Мәскәү һәм Мәскәү өлкәһе — 275,2 мең һәм 156,5 мең яңы авто. Тәүге бишәүгә шулай уҡ Санкт-Петербург (104,9 мең), Татарстан (91,5) һәм Краснодар крайы (74) инә.

Алтынсы урынды биләгән Башҡортостан (71 мең автомобиль) ТОР-10-да Һамар (64,3), Свердловск (63,5), Ростов (54,8) һәм Силәбе (49) өлкәләренән алда бара.

Сағыштырмаса күрһәткес буйынса Башҡортостан бер тиҫтә төбәктәр араһында алда бара. Һанап кителгән ун төбәктең етәүһендә яңы автомобилдәр һатыу күләме быйыл, 2012 йылдың шул уҡ осоро менән сағыштырғанда, 0,8 – 11,3 процентҡа кәмегән. Башҡортостанда иһә һатыу 4,1 процентҡа артҡан.

Тәүге ун төбәк өлөшөнә илдә һатылған еңел автомобилдәрҙең яртыһынан ашыуы тура килә. Аналитиктар Свердловск, Силәбе өлкәләрендә, Ханты-Манси автономиялы округында һәм Красноярск крайында һатыу күләме уртаса баҙар күрһәткесенән кәмерәк булыуын билдәләне. «Был өлкәләрҙең баҙары ил иҡтисады торошо менән тығыҙыраҡ бәйләнгән», — тип аңлата хәлде «Автостат» аналитика агентлығының башҡарыусы директоры Сергей Удалов.

#статистика #автомобилдәр баҙары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.